న్యూ హీరో హీరోయిన్లు కృష్ణ, సంతోషిని జంటగా అంకయ్య ఆర్ట్‌ క్రియేషన్స్‌ పతాకంపై నాగసాయి ఆకుల దర్శకత్వంలో జగన్‌ యాదవ్‌ ప్రొడక్షన్‌ నెం.2గా నిర్మిస్తున్న ప్రేమకథా చిత్రం ఆదివారం హైదరాబాద్‌లోని అన్నపూర్ణ స్టూడియోలో ప్రారంభమైంది. ఈ చిత్రానికి సంబంధించి ముహూర్తపు సన్నివేశానికి ప్రముఖ నిర్మాత తుమ్మలపల్లి రామసత్యనారాయణ క్లాప్‌నివ్వగా, హీరో మనోజ్‌ నందం కెమెరా స్విచ్చాన్‌ చేశారు. ఫస్ట్‌ షాట్‌ను ప్రముఖ నిర్మాత రాజ్‌ కందుకూరి డైరెక్ట్‌ చేశారు. ఈ సందర్భంగా ఏర్పాటు చేసిన విలేకరుల సమావేశంలో హీరో కృష్ణ, హీరోయిన్‌ సంతోషిని, దర్శకుడు నాగసాయి ఆకుల, నిర్మాత జగన్‌ యాదవ్‌ తదితరులు పాల్గొన్నారు.
జగన్‌ యాదవ్‌: మా అంకయ్య ఆర్ట్‌ క్రియేషన్స్‌ బేనర్‌లో ప్రొడక్షన్‌ నెం.2గా ఈ చిత్రాన్ని నిర్మిస్తున్నాము. డైరెక్టర్‌ నాగసాయి చెప్పిన కథ చాలా బాగుంది. పూర్తి ప్రేమకథా చిత్రంగా రూపుదిద్దుకునే ఈ చిత్రం మొదటి షెడ్యూల్‌ను అనంతపురంలో, రెండో షెడ్యూల్‌ను హైదరాబాద్‌లో చేస్తాం. ఈ సినిమా తప్పకుండా మీ అందరికీ నచ్చే విధంగా మా దర్శకుడు రూపొందిస్తాడన్న నమ్మకం నాకు వుంది.
నాగసాయి ఆకుల: ఒక కొత్త కాన్సెప్ట్‌తో రూపొందుతున్న లవ్‌స్టోరీ ఇది. యూత్‌కి, ఫ్యామిలీ ఆడియన్స్‌కి నచ్చే అన్ని అంశాలతో ఈ చిత్రాన్ని చేస్తున్నాం. మా యూనిట్‌లోని అందరి సహకారంతో చిత్రాన్ని అనుకున్న టైమ్‌లో పూర్తి చేయడానికి పక్కాగా ప్లాన్‌ చేశాం.
కృష్ణ: యూత్‌కి హండ్రెడ్‌ పర్సెంట్‌ నచ్చే కంప్లీట్‌ లవ్‌స్టోరీ ఇది. చక్కని ప్రొడక్షన్‌ వేల్యూస్‌తో మా నిర్మాత జగన్‌ యాదవ్‌గారు ఈ చిత్రాన్ని నిర్మిస్తున్నారు. డిఫరెంట్‌ కాన్సెప్ట్‌తో తెరకెక్కుతున్న ఈ చిత్రం తప్పకుండా మీ అందరికీ నచ్చుతుంది.
సంతోషిని: ఈ సినిమాలో నాకు ఇంత మంచి అవకాశం ఇచ్చిన దర్శకనిర్మాతలకు థాంక్స్‌ చెప్తున్నాను. ఈ సినిమా తప్పకుండా అందరికీ నచ్చుతుంది. ప్రేక్షకులు ఈ చిత్రాన్ని చూసి ఆదరిస్తారని ఆశిస్తున్నాను.
కృష్ణ, సంతోషిని, బాంబే పద్మ, కుమార్‌రెడ్డి, రాజు, మహేందర్‌ తదితరులు ముఖ్యపాత్రలు పోషిస్తున్న ఈ చిత్రానికి సంగీతం: ప్రదీప్‌ చంద్ర, సినిమాటోగ్రఫీ: రవికుమార్‌, పాటలు: నిఖిల్‌, ఫైట్స్‌: కుమార్‌, పోస్ట్‌ ప్రొడక్షన్‌ వర్క్‌: డిజిక్వెస్ట్‌, నిర్మాత జగన్‌ యాదవ్‌, దర్శకత్వం: నాగసాయి ఆకుల.
Loading..