నిఖిల్‌, త్రిధా చౌదరి జంటగా బేబి త్రిష సమర్పణలో సురక్ష్‌ ఎంటర్‌టైన్‌మెంట్‌ ఇండియా ప్రై. లిమిటెడ్‌ పతాకంపై కార్తీక్‌ ఘట్టమనేని దర్శకత్వంలో మల్కాపురం శివకుమార్‌ నిర్మించిన చిత్రం ‘సూర్య వర్సెస్‌ సూర్య’. ఇటీవల విడుదలైన ఈ చిత్రం సూపర్‌హిట్‌ టాక్‌తో సక్సెస్‌ఫుల్‌గా రన్‌ అవుతున్న నేపథ్యంలో సోమవారం చిత్ర యూనిట్‌ సక్సెస్‌మీట్‌ని ఏర్పాటు చేసింది. ఈ సక్సెస్‌మీట్‌లో హీరో నిఖిల్‌, హీరోయిన్‌ త్రిధా చౌదరి, తనికెళ్ళ భరణి, ప్రవీణ్‌, వైవా హర్ష, దర్శకుడు కార్తీక్‌ ఘట్టమనేని, నిర్మాత మల్కాపురం శివకుమార్‌ పాల్గొన్నారు.
తనికెళ్ళ భరణి: ఈమధ్య నేను ఈస్ట్‌ గోదావరి, వెస్ట్‌ గోదావరి వెళ్ళి వచ్చాను. అక్కడ స్టూడెంట్స్‌ నుంచి చాలా మంచి రెస్పాన్స్‌ వస్తోంది. కొత్త కథాంశంతో రూపొందిన ఈ చిత్రం అందర్నీ ఆకట్టుకుంటోంది. అధైర్యంతో వున్న ఓ కుర్రాడ్ని అతని ప్రేమ ధైర్యంగా ఎలా మార్చిందన్న పాయంట్‌ అందరికీ నచ్చింది. ఈ సినిమా ఇంత బాగా రావడానికి అసిస్టెంట్‌ డైరెక్టర్‌ నుంచి నిర్మాత వరకు ప్రతి ఒక్కరూ ఎంతో కష్టపడి పనిచేశారు. ఇంత సక్సెస్‌ఫుల్‌ మూవీలో నేను కూడా ఒక మంచి పాత్ర చేయడం ఆనందంగా వుంది.
కార్తీక్‌ ఘట్టమనేని: ఈ సినిమాని ఇంత పెద్ద హిట్‌ చేసిన ప్రేక్షకులకు ధన్యవాదాలు. ఈ సినిమాని క్వాలిటీగా తియ్యమని, బడ్జెట్‌ గురించి ఆలోచించ వద్దని నిర్మాత శివకుమార్‌గారు ఎంతో సపోర్ట్‌ చేశారు. తనికెళ్ళ భరణిగారు నటుడుగానే కాకుండా డైలాగ్స్‌ పరంగా నాకెంతో హెల్ప్‌ చేశారు. ఈ సినిమా ఇంకా పెద్ద సక్సెస్‌ కావాలని కోరుకుంటున్నాను.
త్రిధా చౌదరి: ఈ సూపర్‌హిట్‌ సినిమాలో నేను కూడా ఒక పార్ట్‌ అయినందుకు హ్యాపీగా వుంది. ఒక ఫ్రెష్‌ కాన్సెప్ట్‌తో చేసిన ఈ సినిమాకి ఫెంటాస్టిక్‌ రెస్పాన్స్‌ వస్తోంది. ఇంత మంచి అవకాశం ఇచ్చిన దర్శకనిర్మాతలకు నా థాంక్స్‌.
ప్రవీణ్‌: కొత్తదనాన్ని ప్రేక్షకులు ఎప్పుడూ ఆదరిస్తారని ఈ సినిమా మరోసారి ప్రూవ్‌ చేసింది. నిఖిల్‌ ఈ సినిమాతో హ్యాట్రిక్‌ కొట్టాడు. ఈ సినిమాని ఎంతో ప్యాషన్‌తో నిర్మాత శివకుమార్‌గారు నిర్మించారు. కార్తీక్‌ ఒక మంచి చిత్రాన్ని మాకు ఇచ్చాడు. ఈ సినిమాని హిట్‌ చేసిన ప్రేక్షకులకు థాంక్స్‌.
మల్కాపురం శివకుమార్‌: మా సినిమా మొదటి నాలుగు రోజుల్లో మొత్తం 7 కోట్లు గ్రాస్‌ కలెక్ట్‌ చేసింది. ఆంధ్రప్రదేశ్‌, తెలంగాణలలో 6 కోట్లు, ఓవర్సీస్‌లో 1 కోటి 15 లక్షలు కలెక్ట్‌ చేసింది. ఈ సినిమాని ఇంత పెద్ద హిట్‌ చేసిన ప్రేక్షకులకు సురక్ష్‌ ఎంటర్‌టైన్‌మెంట్‌ ఎంతో రుణపడి వుంది. నాకు కథ చెప్పిన దానికంటే ఎన్నో రెట్లు బాగా తీశాడు కార్తీక్‌. అందరి ఎక్స్‌పెక్టేషన్స్‌ని ఈ సినిమా రీచ్‌ అయిందని హ్యాపీగా చెప్పగలుగుతున్నాను.
నిఖిల్‌: స్వామిరారా, కార్తికేయ చిత్రాల తర్వాత ఒక మంచి సినిమాతోనే ప్రేక్షకుల ముందుకు రావాలనుకున్నాను. అనుకున్నట్టుగానే సూర్య వర్సెస్‌ సూర్య వంటి మంచి కథ దొరికింది. ఈ సినిమాలో మేం చెప్పిన పాయింట్‌ని ఆడియన్స్‌ బాగా రిసీవ్‌ చేసుకున్నారు. ఎక్స్‌ట్రార్డినరీ కలెక్షన్స్‌తో అన్ని ఏరియాల్లో ప్రదర్శింపడుతోంది. ఏ సినిమా అయినా బాగోకపోతే మ్యాట్నీ నుంచే కలెక్షన్స్‌ డ్రాప్‌ అవుతాయి. అలాంటిది ఈ సినిమా కలెక్షన్స్‌ నాలుగో రోజు ఎక్స్‌ట్రార్డినరీగా వున్నాయి. స్లోగా కలెక్షన్స్‌ పెరుగుతున్నాయి. ఈ సినిమాకి నేషనల్‌ లెవల్‌లో పేరు వస్తున్నందుకు చాలా హ్యాపీగా వుంది. ఈ సినిమా సాధించిన విజయాన్ని ప్రేక్షకులతో పంచుకునేందుకు ఈరోజు నుంచి సెల్ఫీ టూర్‌ చేస్తున్నాము. రెండు రాష్ట్రాల్లో కొన్ని సెంటర్స్‌లో ఈ టూర్‌ వుంటుంది. అక్కడ థియేటర్స్‌కి వెళ్ళి అభిమానులతో సెల్ఫీ ఫోటోలు తీస్తాం. కాబట్టి అందరూ ఇందులో పార్టిసిపేట్‌ చెయ్యాల్సిందిగా కోరుతున్నాను.
Loading..