నవదీప్‌, నవీన్‌చంద్ర హీరోలుగా, పూజ హీరోయిన్‌గా ఆర్‌.సి.సి. ఎంటర్‌టైన్‌మెంట్స్‌ పతాకంపై కార్తీక్‌వర్మ దండు దర్శకత్వంలో శిరువూరి రాజేష్‌వర్మ నిర్మించిన ఫుల్‌లెంగ్త్‌ ఎంటర్‌టైనర్‌ ‘భమ్‌ బోలేనాథ్‌’. ఈ చిత్రం ఫిబ్రవరి 27న విడుదలైంది. ఈ చిత్రం విజయవంతంగా ప్రదర్శింపబడుతున్న నేపథ్యంలో చిత్ర యూనిట్‌ సక్సెస్‌మీట్‌ని ఏర్పాటు చేసింది. ఈ సక్సెస్‌మీట్‌లో హీరోలు నవదీప్‌, నవీన్‌చంద్ర, హీరోయిన్‌ పూజ, దర్శకుడు కార్తీక్‌వర్మ దండు పాల్గొన్నారు.
నవదీప్‌: ఇటీవల విడుదలైన మా చిత్రానికి చాలా డీసెంట్‌ ఓపెనింగ్స్‌ వచ్చాయి. కొత్త కాన్సెప్ట్‌తో, డిఫరెంట్‌ స్క్రీన్‌ప్లేతో కార్తీక్‌ చేసిన ఈ సినిమాకి అన్నివర్గాల ప్రేక్షకుల నుంచి మంచి రెస్పాన్స్‌ వస్తోంది. అందరికీ ఈ సినిమా రీచ్‌ అయింది. మాకు సంతోషం కలిగించే మరో విషయం ఏమిటంటే ఈ చిత్రం కన్నడ రీమేక్‌ రైట్స్‌ తీసుకోవడం జరిగింది. ఇంత మంచి చిత్రంలో మేము కూడా పార్ట్‌ అయినందుకు ఆనందంగా వుంది. ఈ చిత్రాన్ని పెద్ద హిట్‌ చేసిన ప్రేక్షకులకు మా ధన్యవాదాలు.
నవీన్‌చంద్ర: ‘భమ్‌ బోలేనాథ్‌’ హిలేరియస్‌ సక్సెస్‌ అయింది. థియేటర్‌లో ఆడియన్స్‌ బాగా ఎంజాయ్‌ చేస్తున్నారు. మెయిన్‌గా ఈ సినిమాలో కామెడీ బాగా హైలైట్‌ అయింది. స్టైలిష్‌గా వుంటూ అందర్నీ ఆకట్టుకుంటున్నందుకు హ్యాపీగా వుంది. ఆడియన్సే కాకుండా ఇండస్ట్రీలో కూడా సినిమా చాలా బాగుందని అప్రిషియేట్‌ చేస్తున్నారు. మా సినిమా సాధించిన విజయానికి యూనిట్‌లోని అందరం చాలా హ్యాపీగా వున్నాం.
పూజ: మా సినిమాకి ట్రెమండస్‌ రెస్పాన్స్‌ వస్తోంది. థియేటర్‌లో కామెడీ సీన్స్‌కి ఆడియన్స్‌ బాగా ఎంజాయ్‌ చేస్తున్నారు. ఇంత మంచి సినిమాలో నాకు అవకాశం ఇచ్చిన దర్శకనిర్మాతలకు థాంక్స్‌.
కార్తీక్‌వర్మ దండు: స్క్రీన్‌ప్లే బాగుందని చాలా మంది ఇండస్ట్రీ పెద్దలు ఫోన్లు చేసి చెప్తున్నారు. యూత్‌, ఫ్యామిలీ, క్లాస్‌ ఇలా అందర్నీ ఈ సినిమా అలరిస్తోంది. ఈ సినిమా సాధించిన విజయంతో నాకు చాలా ఆఫర్స్‌ వస్తున్నాయి. నేను నెక్స్‌ట్‌ చేయబోయే సినిమా ఏమిటో ఒక నెలలో ఎనౌన్స్‌ చేస్తాను.
Loading..