కార్తీక్‌, హమీద హీరోహీరోయిన్లుగా బేబి ఆకృతి సమర్పణలో ఆశ్రిత్‌ మూవీస్‌ పతాకంపై మహేష్‌ సూర్య దర్శకత్వంలో రమా రవిశంకర్‌ నిర్మిస్తున్న యూత్‌ఫుల్‌ ఎంటర్‌టైనర్‌ ‘మొహబ్బత్‌ మే..!’. ఈ చిత్రం ఆడియో ఆవిష్కరణ శనివారం హైదరాబాద్‌లోని ఫిలింఛాంబర్‌లో జరిగింది. ఈ ఆడియోను సినిమాటోగ్రఫీ మంత్రి తలసాని శ్రీనివాసయాదవ్‌, ప్రముఖ నిర్మాత బెల్లంకొండ సురేష్‌ ఆవిష్కరించారు. మీనాక్షి భుజంగ్‌ సంగీత సారధ్యంలో రూపొందిన ఈ ఆడియో ఆదిత్య మ్యూజిక్‌ ద్వారా విడుదలైంది. ఇంకా ఈ కార్యక్రమంలో హీరో కార్తీక్‌, దర్శకుడు మహేష్‌ సూర్య, నిర్మాతలు రవిశంకర్‌, రమాదేవి, కెమెరామెన్‌ శ్రీకాంత్‌ చిలుముల, సింగర్స్‌ ఐశ్వర్య, ప్రీతి, గేయరచయితలు పోలూరు, విజయేంద్ర, ఆదిత్య మ్యూజిక్‌ నిరంజన్‌ పాల్గొన్నారు. ఈ సందర్భంగా..
బెల్లంకొండ సురేష్‌: తెలుగు టైటిల్స్‌తో కాకుండా ఈమధ్య హిందీ టైటిల్స్‌తో వస్తున్న సినిమాలు కూడా హిట్‌ అవుతున్నాయి. ఈ చిత్రానికి మొహబ్బత్‌మే అనే హిందీ టైటిల్‌ పెట్టారు. ఈ సినిమా పాటలు, సినిమా పెద్ద హిట్‌ కావాలని కోరుకుంటున్నాను. యూనిట్‌లోని అందరికీ ఆల్‌ ది బెస్ట్‌.
రవిశంకర్‌: కొత్త ఆర్టిస్టులతో సినిమా చేసినప్పటికీ 6 నెలల్లో కంప్లీట్‌ చేశాం. వాలెంటైన్స్‌ డే సందర్భంగా ఈరోజు ఆడియోను రిలీజ్‌ చేస్తున్నాం. అమ్మ ప్రేమ గురించి చెప్పే సినిమా ఇది. ఒక కొత్త కాన్సెప్ట్‌తో రూపొందిన ఈ సినిమా తప్పకుండా మీ అందరికీ నచ్చుతుంది. మార్చి మొదటి వారంలో ఈచిత్రాన్ని రిలీజ్‌ చెయ్యడానికి ప్లాన్‌ చేస్తున్నాం.
మీనాక్షి భుజంగ్‌: ఈ సినిమాకి మ్యూజిక్‌ చేసే అవకాశం ఇచ్చిన దర్శకనిర్మాతలకు నా థాంక్స్‌. ఇందులోని పాటలన్నీ బాగా వచ్చాయి. ముఖ్యంగా అమ్మపై చేసిన పాట ప్రతి ఒక్కరికీ నచ్చుతుంది. ఈ పాటలు విని హిట్‌ చేయడమే కాకుండా సినిమాని కూడా పెద్ద హిట్‌ చేస్తారని ఆశిస్తున్నాను.
కార్తీక్‌: నా ఫస్ట్‌ మూవీ ఆడియో ఫంక్షన్‌ జరపుకోవడం చాలా ఎక్సైట్‌గా వుంది. ఈ సినిమాలో నేను బాగా పెర్‌ఫార్మ్‌ చెయ్యడానికి డైరెక్టర్‌గారు చాలా హెల్ప్‌ చేశారు. నా ఫ్రెండ్స్‌గా నటించిన వారు కూడా నాకు చాలా కోఆపరేట్‌ చేశారు. ఈ సందర్భంగా అందరికీ థాంక్స్‌ చెప్తున్నాను.
మహేష్‌ సూర్య: మా నిర్మాతగారి పూర్తి సహకారంతో సినిమాని చాలా అద్భుతంగా చేశాం. మీనాక్షి భుజంగ్‌తో నాకు ఐదు సంవత్సరాల పరిచయం వుంది. ఈ సినిమా కోసం చాలా మంచి మ్యూజిక్‌ చేశాడు. ఎన్నో వ్యయప్రయాసలకోర్చి చెన్నైలోని ఎ.ఆర్‌.రెహమాన్‌ థియేటర్‌లో ఎంతో క్వాలిటీగా ఈ పాటలు రికార్డ్‌ చేయించాం. రవిశంకర్‌గారు నేను చెప్పిన బడ్జెట్‌ కంటే ఎక్కువైనప్పటికీ ఎక్కడా కాంప్రమైజ్‌ అవకుండా చాలా క్వాలిటీగా ఈ చిత్రాన్ని నిర్మించారు. ఈ సినిమా తప్పకుండా పెద్ద విజయం సాధించి మా అందరికీ పేరు తెస్తుందని ఆశిస్తున్నాను.
Loading..