మోత్కుపల్లికి గవర్నర్‌ పదవి దక్కేనా..??

మోత్కుపల్లి నరసింహులు టీడీపీలో ప్రధాన నేతగా కంటే కూడా అసంతృప్తివాదిగా పేరుగడించారు. దాదాపు ఆరుసార్లు శాసనసభకు ఎన్నికైనా మోత్కుపల్లికి టీడీపీలో సరైన గుర్తింపు దక్కలేదన్నది వాస్తవం. ఇక టీడీపీకి అండగా నిలబడి టీఆర్‌ఎస్‌ అధినేతను తీవ్రంగా విమర్శించిన వారిలో మోత్కుపల్లి ముందు వరుసలో ఉంటారు. దళిత వర్గానికి చెందిన మోత్కుపల్లిని విమర్శించడానికి కేసీఆర్‌ కూడా కాస్త ఆలోచించి ముందుకు వెళ్లేవారు. అయితే తాను పార్టీకి ఇంతగా చేస్తున్న చంద్రబాబు సరైన గుర్తింపు ఇవ్వడం లేదని మోత్కుపల్లి పలుమార్లు బహిరంగంగానే తన అసంతృప్తి వెళ్లగక్కారు. రాజ్యసభ సీటు ఆశించి భంగపడినప్పుడు, పార్టీ తెలంగాణ రాష్ట్ర అధ్యక్ష పదవి తనకు దక్కనప్పుడు మోత్కుపల్లి టీడీపీకి రాజీనామా చేసే వరకు వెళ్లారు. అయితే చివరి క్షణాల్లో చంద్రబాబు బుజ్జగింపులతో ఆయన వెనకడుగు వేసేవారు.