తెలుగు రాష్ట్రాలలో వీధి వీధి ఫ్లెక్సీలతో నిండి కనిపించేవి. ఎవరెవరివో ఫొటోలు - వారు ఏం ఘనకార్యం చేశారని? నగర శోభ చెరిపి, ట్రాఫిక్‌ సమస్యలు సృష్టించి రోడ్డుకిరువైపులా దడికట్టినట్టున్న ఫ్లెక్సీలను, విగ్రహాలను తొలగించమని; అవసరానికి పెట్టుకున్న ఫ్లెక్సీలపై టాక్సు విధించి ఆధాయం పెంచుకోవచ్చని సవినయంగా వేడుకున్నది ‘సినీ జోష్‌’. ఇదంతా ‘సినీ జోష్‌’ చెప్పినందునే - అని అనం గాని ‘సినీ జోష్‌’ ఆకాంక్ష న్యాయస్ధానం ‘హుకుం’లో ప్రతిఫలించింది. ఫ్లెక్సీల రోత తొలగింది. అయితే మరో ముఖ్య వినతి : సందర్భం ఏదయితేనేం, తరచుగా వాహనాల రణగొణ ధ్వనితో పెద్ద ఊరేగింపు జరుగుతుంటుంది. దీనివలన పెట్రోలు ఖర్చు; ట్రాఫిక్‌ సమస్య. సౌండ్‌ పొల్యూషన్‌, టైమ్‌ వేస్ట్‌! ఈ తరహా ఊరేగింపులకి అనుమతి ఇచ్చేటప్పుడు ఆ ఊరేగింపులో పాల్గొనే వాహనాలపై టాక్సు వేయండి. ప్రభుత్వానికి ఆదాయం పెరుగుతుంది - ఆయిల్‌ దుబారా తగ్గుతుంది - ట్రాఫిక్‌ సమస్య పరిష్కారమవుతుంది - సౌండ్‌ పొల్యూషన్‌కి చెక్‌ పడుతుంది.
పాకిస్తాన్‌లో విద్యుత్తు పొదుపుకి కళ్యాణ మండపాలు - కళా మండపాల విద్యుత్తు అలంకరణని నిషేధించారు. హోటల్స్‌ కూడా పరిమితంగా విద్యుత్తు వాడుకోవాలి. భారత్‌కి పాక్‌ ఈ విషయంలో ఆదర్శం.
పబ్లిక్‌ ట్రాన్స్‌పోర్టు ఫెసిలిటీస్‌ - బస్‌ల ఫీక్వెన్సీ పెరగాలి. అప్పుడే ప్రైవేటు ట్రాన్సుపోర్టు తగ్గుతుంది. ఆయిల్‌ క్రైసిస్‌, ట్రాఫిక్‌ సమస్యకి పరిష్కారం దొరుకుతుంది.
ఫ్లెక్సీల పై గతం లో రాసిన ఆర్టికల్ చూసేందుకు Click Here