శివ నిర్మాణ దర్శకత్వంలో విజయ్ దేవరకొండ సమంత తో రొమాన్స్ చేస్తున్నాడు. పవన్ కళ్యాణ్ సూపర్ హిట్ టైటిల్ ఖుషి తో సెప్టెంబర్ లో ఆడియన్స్ ముందుకు రాబోతున్నాడు. నిన్న శుక్రవారం నుండి విజయ్ దేవరకొండ గౌతమ్ తిన్ననూరితో చేస్తున్న #VD12 షూటింగ్ లో జాయిన్ అయ్యాడు. ఈ చిత్రంలో క్రేజీ హీరోయిన్ శ్రీలీల తో రొమాన్స్ చేస్తున్నాడు విజయ్. ఇవి కాకుండా రీసెంట్ గా దిల్ రాజు బ్యానర్ లో విజయ్ తనకి బ్లాక్ బస్టర్ హిట్ ఇచ్చిన పరశురామ్ తో #VD13 మొదలు పెట్టాడు.
ఈ చిత్రంలో మృణాల్ ఠాకూర్ తో కలిసి స్క్రీన్ షేర్ చేసుకోబోతున్నాడు విజయ్ దేవరకొండ. అయితే ఈ చిత్రం పక్క ఫ్యామిలీ ఎంటర్టైన్మెంట్ గా ఉండబోతుందట. ఈ చిత్రంలో విజయ్ కేరెక్టర్ బలంగా ఉండడమే కాకుండా అవుట్ అండ్ అవుట్ కుటుంభ కథా చిత్రంగానే ఉంటుందని వినికిడి. అందుకే ఈ చిత్రానికి ఫ్యామిలీ స్టార్ అనే టైటిల్ పెడితే ఎలా ఉంటుంది అని ఆలోచిస్తున్నారట, మరి ఫ్యామిలీ నేపథ్యంలో తెరకెక్కుతున్న ఈ చిత్రానికి ఫ్యామిలీ స్టార్ అయితే పక్కాగా సూట్ అవుతుంది మేకర్స్ ఆలోచనగా చెబుతున్నారు.
ప్రస్తుతం ఖుషి షూటింగ్ చివరికి దశలో ఉండగా.. #VD12 రీసెంట్ గానే మొదలయ్యింది.. కాబట్టి విజయ్ దేవరకొండ పరశురామ్ తో #VD13-గౌతమ్ తో #VD12 షూటింగ్స్ పారలల్ గా చేస్తాడని తెలుస్తుంది.