మ్యాన్ ఆఫ్ మాసెస్ ఎన్టీఆర్ స్టామినా ఏమిటో దేవరతో ప్రూవ్ అయ్యింది. సింగిల్ హ్యాండ్‌తో రూ. 500 కోట్లు కొల్లగొట్టిన ఎన్టీఆర్.. ఇప్పుడు వార్ 2తో బాలీవుడ్ డెబ్యూకి రెడీ అయ్యారు. హృతిక్ రోషన్‌తో స్క్రీన్ షేర్ చేసుకుంటూ వార్ 2 షూటింగ్‌లో పాల్గొంటున్నారు. అయాన్ ముఖర్జీ దర్శకత్వంలో ముంబైలో వార్ 2 షూటింగ్ చకచకా జరిగిపోతుంది.
ఈ చిత్రంలో ఎన్టీఆర్ నెగెటివ్ రోల్‌లో కనిపించబోతున్నారట. ఎన్టీఆర్ నెగిటివ్ షేడ్ రోల్ ఫ్యాన్స్‌కి పక్కా పండగే అంటున్నారు, హృతిక్ రోషన్-ఎన్టీఆర్ మధ్యన బిగ్ యాక్షన్ సీన్స్ ఉండబోతున్నాయట, 15 నిమిషాలు సాగే హ్యాండ్ - హ్యాండ్ ఒక ఫైట్ మాత్రం వార్ 2కి హైలెట్‌గా నిలవడమే కాదు.. మాస్ ఆడియన్స్‌కి ఫుల్ మీల్స్‌లా ఉంటుందని యూనిట్ వర్గాలు అంటున్నాయి.
హృతిక్ రోషన్-ఎన్టీఆర్ కాంబో సీన్స్ మొత్తం అదిరిపోతాయని తెలుస్తుంది. ఈ చిత్రంలో హృతిక్‌కి జోడిగా కియారా అద్వానీ నటిస్తుండగా.. క్రేజీ హీరోయిన్ శ్రద్దా కపూర్, హృతిక్-ఎన్టీఆర్ కాంబో‌లో స్పెషల్ సాంగ్‌లో కనిపించబోతోంది. త్వరలోనే ఈ మూవీ అప్డేట్స్‌ని మేకర్స్ వదలనున్నారని తెలుస్తోంది.