డిసెంబర్ 5 న పుష్ప 2 చిత్రాన్ని వీక్షించాలి అంటే ఆస్తులు అమ్ముకోవాలేమో, పుష్ప 2 కోసం థియేటర్ కి వెళితే జేబులకు చిల్లే, ఫ్యామిలీతో కలిసి పుష్ప 2 చిత్రం చూస్తే నెల జీతం ఎగిరిపోతుందేమో.. పుష్ప 2 టికెట్ రేట్ యమా కాస్ట్.. ఇవి ఇప్పుడు సోషల్ మీడియాలో కనిపిస్తున్న కామెంట్స్. భారీ బడ్జెట్, పాన్ ఇండియా మూవీస్ రిలీజ్ అవుతున్నాయి అంటే టికెట్ రేట్లు పెరగడం సహజం.
సహజం అనలేము, భారీ సినిమాల నిర్మాతలు రెండు తెలుగు రాష్ట్రాల సీఎం ల దగ్గరకు వెళ్లి టికెట్ రేట్లు పెంచుకునేందుకు అనుమతులు తీసుకుంటున్నారు. అలా టికెట్ మీద రూ 100 లేదంటే రూ150 పెరగడం చూస్తున్నాము. కానీ పుష్ప2 కి మాత్రం టికెట్ రేట్లు డబుల్ కాబోతున్నాయని ప్రచారం జరుగుతుంది. పుష్ప2 మేకర్స్ రెండు తెలుగు రాష్ట్రాల సీఎం ల దగ్గరకు వెళ్లి టికెట్ రేట్లు పెంచుకునేందుకు అనుమతులు తెచ్చుకోవడానికి రెడీ అవుతున్నారట.
అందులో వింతేమీ లేదు కానీ.. పుష్ప 2 టికెట్ రేట్లు భారీగా పెంచుకునేందుకు అనుమతులు తీసుకుంటున్నారట. అంటే సింగిల్ స్క్రీన్ కి మూడు వందలనుంచి రూ425 వరకు, మల్టిప్లెక్స్ ల్లో ఐదు నుంచి ఆరు వందల వరకు టికెట్ రేట్స్ పెంచే అవకాశం ఉంది అని తెలుస్తోంది. ఫ్యాన్స్ అంటే ఎంతైనా పెట్టుకుని సినిమా చూస్తారు.
మరి సామాన్య ప్రేక్షకుడు పరిస్థితి ఏమిటి, సోషల్ మీడియాలో ప్రచారం అని కాదు కానీ.. ఇలాంటి టికెట్ రేట్స్ తో సినిమాకి వెళ్లాలంటే ఆస్తులు అమ్ముకోవాల్సిందే.