పుష్ప 2 ద రూల్ విడుదల కావడానికి సరిగ్గా నెల మాత్రమే ఉంది. డిసెంబర్ 5 న విడుదల కాబోతున్న పుష్ప సినిమాపై అంచనాలు పెంచడానికి మేకర్స్ ప్రమోషన్స్ మొదలు పెట్టాలి. మరోపక్క పుష్ప ద రూల్ సాంగ్స్ చిత్రీకరణ ఇంకా మిగిలే ఉంది. అయితే ముందుగా పుష్ప 2 ట్రైలర్ విడుదలతోనే ప్రమోషన్స్ మొదలు పెట్టాలని మేకర్స్ ఆలోచిస్తున్నారు.
అందుకు సంబందించిన పుష్ప2 ట్రైలర్ కట్ విడుదలకు సిద్ధమవుతోందని తెలుస్తుంది. ఇప్పటికే పుష్ప 2 ట్రైలర్ రఫ్ కట్ సిద్ధమైంది అని, ఫైనల్ కట్ రెడీ చెయ్యాల్సి ఉండదట. మూడు నిమిషాల రఫ్ కట్ నుంచి 2.5 నిమిషాల నిడివి గల పుష్ప 2 ట్రైలర్ ను మేకర్స్ అల్లు అభిమానుల కోసం సిద్ధం చేస్తున్నారట.
మరి పుష్ప 2 ద ట్రైలర్ కి ఇంకా డేట్ అనుకోలేదు కానీ.. ట్రైలర్ కట్ పూర్తయ్యాక ఆ తేదీని మేకర్స్ అనౌన్స్ చేస్తారని, అది ఈ నెల రెండో వారంలో ఉండొచ్చనే టాక్ వినిపిస్తుంది.