శ్రీకాంత్ అయ్యంగార్ అంటే తెలియనివారుండరు. నటనలో ప్రత్యేకత చూపిస్తూ కేరెక్టర్ ఆర్టిస్ట్ గా పరుగులు పెడుతున్న శ్రీకాంత్ అయ్యంగార్ తాజాగా రివ్యూ రైటర్స్ పై చేసిన వ్యాఖ్యలు దారుణాతి దారుణంగా ఉన్నాయి. శ్రీకాంత్ అయ్యంగార్ నటించిన పొట్టెల్ రీసెంట్ గా రీలీజ్ అయ్యింది.
ఈ చిత్రానికి సినీ విమర్శకులు చాలామంది మిక్స్డ్ రివ్యూస్ ఇచ్చారు. ఇంకొందరు సినిమా బాలేదంటూ రివ్యూస్ ఇచ్చారు. దానితో మండిపడిన శ్రీకాంత్ అయ్యంగార్ పొట్టెల్ సక్సెస్ మీట్ లో రివ్యూ రైటర్స్ ను అనకూడని మాటలతో చేసిన కామెంట్స్ పై సినీ జర్నలిస్ట్ లు భగ్గుమంటున్నారు.
సినిమా బావుంది అంటే బావుంది, బాలేదు అంటే బాలేదు అని చెప్పే హక్కు ఉంది, గతంలోనూ చాలామంది రివ్యూ రైటర్స్ పై ఆగ్రహం ఉన్న నటులు ఉన్నారు కానీ వారు తమ అభిప్రాయాన్ని చెప్పారు, అయితే శ్రీకాంత్ అయ్యంగార్ లా ఎక్కడా పరుష పదజాలం వాడలేదు, కానీ శ్రీకాంత్ అయ్యంగార్ మాత్రం అసలు నోటితో మాట్లాడుకోలేని మాటలతో రివ్యూ రైటర్స్ ని మాట్లాడడం పట్ల సర్వత్రా విమర్శలు వ్యక్తమవుతున్నాయి.