పుష్ప 2 వచ్చే వరకు మళ్ళీ బోరే

ఈ ఏడాది సంక్రాంతి సినిమాల తర్వాత కల్కి 1 వచ్చేవరకు భారీ సినిమా ఏది బాక్సాఫీసు దగ్గరకు రాలేదు. కల్కి వచ్చింది బాక్సాఫీసుని కదిలించింది. ఆ తర్వాత వచ్చిన భారీ బడ్జెట్ సినిమా ఇండియన్ 2 అందరిని నిరాశపరిచింది. ఆ తర్వాత సెప్టెంబర్ 27 న దేవర వచ్చేవరకు చిన్న చిత్రాల సందడి కనిపించింది. 

దేవర వచ్చింది మరోసారి బాక్సాఫీసుని షేక్ చేసింది. ప్రస్తుతం దసరా సెలవల్లో దేవర హంగామా కనిపిస్తుంది. ఇక దేవర తర్వాత మళ్ళీ రెండు నెలల వరకు ప్రేక్షకులకు బోరింగ్ ఫ్రైడేస్ రాబోతున్నాయి. ఈ రెండు నెలల్లో అక్టోబర్ 10 న రజినీకాంత్ వేట్టయ్యన్ రాబోతుంది. దాని తర్వాత అంటే డిసెంబర్ 6 వరకు పెద్ద చిత్రాలు, మీడియం చిత్రాల సందడి కనిపించడం లేదు. 

డిసెంబర్ 6 న విడుదల కాబోతున్న పుష్ప ద రూల్ పై భారీ అంచనాలే ఉన్నాయి. మళ్ళీ పుష్ప రాజ్ థియేటర్స్ లోకి వచ్చి రచ్చ చేసే వరకు థియేటర్స్ లో చిన్న సినిమాలతోనే ప్రేక్షకులు సరిపెట్టుకోవాల్సి వచ్చేలా ఉంది. మరి ఈ మద్యలో చైతు, నితిన్ లాంటి వాళ్ళు ఎవరైనా వస్తారేమో చూడాలి.