బాలీవుడ్ బెబో కరీనా కపూర్ సౌత్ ఎంట్రీ ఖాయమైంది. కరీనా కపూర్ అసలైతే యష్ టాక్సిక్ మూవీ తోనే సౌత్ లోకి రావాల్సి ఉన్నప్పటికీ.. ఆ ప్రాజెక్ట్ నుంచి కరీనా తప్పుకుంది. ఆమె ప్లేస్ లోకి నయనతార వచ్చి చేరింది. ఇక సందీప్ వంగా - ప్రభాస్ కాంబోలో మొదలు కాబోయే స్పిరిట్ మూవీలో కరీనా కపూర్ ని హీరోయిన్ గా అనుకుంటున్నారనే న్యూస్ ఎప్పటి నుంచో వినిపిస్తోంది.
ఈ ఏడాది చివరిలో మొదలు కాబోయే స్పిరిట్ మూవీలో ప్రభాస్ కి జోడిగా కరీనా కపూర్ ని హీరోయిన్ గా ఫైనల్ చెయ్యడమే కాదు, ఈ యాక్షన్ ఎంటర్టైనర్ కోసం కరీనా కపూర్ గ్రీన్ సిగ్నల్ కూడా ఇచ్చింది అని చెప్పుకుంటున్నారు. ఇది మాత్రమే కాదు. రాజమౌళి-మహేష్ కాంబో మూవీకి కూడా హీరోయిన్ గా కరీనా పేరు వినిపిస్తోంది.
రాజమౌళి మహేష్ కి జోడిగా కరీనా కపూర్ పేరుని పరిశీలుస్తున్నట్టుగా గుసగుసలు వినిపిస్తన్నాయి. మరి ఎలా లేదన్నా ఈ ఏడాది కరీనా కపూర్ సౌత్ ఎంట్రీ ఖాయమైనట్టే కనిపిస్తుంది. ఈ రెండు ప్రాజెక్ట్స్ లో ఏది నిజమైనా కరీనా అభిమానులు సంబరాలు చేసుకుంటారు.