యంగ్ హీరో నితిన్ కరోనా సమయంలో తాను ప్రేమించిన షాలిని కందుకూరిని పెద్దల అంగీకారంతో ప్రేమ వివాహం చేసుకున్న విషయం తెలిసిందే. కరోనా సమయం కాబట్టి సెలబ్రిటీస్ ఎవరూ నితిన్ పెళ్ళికి హాజరవలేదు. కుటుంబ సభ్యుల నడుమ అంగరంగ వైభవంగా ఒక్కటైన ఈ జంట కి పిల్లలెప్పుడు పుడతారా, నితిన్ వారసుడిని ఎపుడు చూస్తామా అని అభిమానులు వెయిట్ చేస్తున్నారు.
తాజాగా నితిన్ తండ్రి కాబోతున్నాడు.. త్వరలోనే నితిన్, షాలినీ పేరెంట్స్ గా ప్రమోట్ కాబోతున్నారంటూ సోషల్ మీడియాలో ఓ న్యూస్ వైరల్ గా మారింది. ప్రస్తుతం షాలిని ప్రెగ్నెంట్ అంటూ వార్తలు వినిపిస్తున్నాయి. అయితే గత ఏడాది కూడా నితిన్-షాలిని తల్లితండ్రులు కాబోతున్నారనే వార్త వైరల్ అయినా అది జస్ట్ రూమర్ గానే మిగిలిపోయింది.
ఇపుడు మరోసారి నితిన్ తండ్రి కాబోతున్నాడనే వార్త సోషల్ మీడియాలో స్ప్రెడ్ అయ్యింది. ప్రస్తుతం నితిన్ రాబిన్ హుడ్- తమ్ముడు చిత్రాలను ఏకకాలంలో పూర్తి చేస్తున్నాడు. రాబిన్ హుడ్ డిసెంబర్లో విడుదలకు సిద్దమవుతుంది.