మ్యాన్ ఆఫ్ మాసెస్ ఎన్టీఆర్ ప్రస్తుతం దేవర షూటింగ్ కంప్లీట్ చేసేందుకు కష్టపడుతున్నారు. దేవర రొమాంటిక్ సాంగ్ పై ఎన్టీఆర్ ఫ్యాన్స్ చాలా ఇంప్రెస్ అవుతున్నారు. ఇక దేవర పూర్తి కాగానే ఎన్టీఆర్ వార్ 2 కోసం ముంబై వెళతారని తెలిసి ఎన్టీఆర్ ఫ్యాన్స్ లో ఓ పక్క ఆనందం, మరోపక్క దిగులు.
ఆనందం ఎందుకంటే వార్ 2 కోసం ఎన్టీఆర్ ముంబై వెళ్లడం, దిగులుకు కారణం.. ఆగష్టు నుంచి మొదలు కావాల్సిన పాన్ ఇండియా డైరెక్టర్ ప్రశాంత్ నీల్-ఎన్టీఆర్ కాంబో మూవీ పై ఎలాంటి అప్ డేట్ లేకపోవడం. మైత్రి మూవీ మేకర్స్ నిర్మాణంలో భారీ బడ్జెట్ తో తెరకెక్కాల్సిన ఈ మాస్ కాంబోపై విపరీతమైన అంచనాలున్నాయి. కానీ ఈ కాంబో ఎప్పుడు సెట్స్ మీదకి వెళుతుందో తెలియక అభిమానులు కన్ఫ్యూజన్ లో ఉన్నారు.
తాజాగా నీల్-ఎన్టీఆర్ మూవీ ఆగష్టు 9 న పూజా కార్యక్రమాలతో మొదలు కాబోతుంది, అది కూడా హైదరాబాద్ లోనే ఈ చిత్రం పూజా కార్యక్రమాలు జరుపుకోనుంది అని తెలుస్తుంది. అది వినగానే ఎన్టీఆర్ ఫ్యాన్స్ లో ఉత్సాహం ఉరకలు వేస్తుంది. ఆగష్టు లో పూజా కార్యక్రమాలతో సినిమా మొదలైనా సెప్టెంబర్ నుంచి ఈ చిత్రం రెగ్యులర్ షూట్ కి వెళుతుంది అని సమాచారం.