మెగాస్టార్ చిరంజీవి ఇప్పుడు సోషల్ మీడియాల ట్రోల్ అవడం హాట్ టాపిక్ గా మారడమే కాదు ఆయన అభిమానుల మనసు కలిచివేసేలా చేసింది. మెగాస్టార్ ని ట్రోల్ చేసేవాళ్ళు ఎవరు ఉంటారు అని చాలామంది ఆలోచించేవాళ్ళు ఉంటారు. గత వారం రోజులుగా లండన్ లో మనవరాలు క్లింకార తో కలిసి టైం స్పెండ్ చేస్తూ భార్య, కొడుకు రామ్ చరణ్, కోడలు ఉపాసనలతో కలిసి ఒలింపిక్స్ ఓపెనింగ్ సెర్మోని లో పాల్గొన్నారు.
లండన్ ట్రిప్ లో మెగాస్టార్ ఎలా ఎంజాయ్ చేసారు, ఏమేం చేసారు అనే విషయంలో సోషల్ మీడియా పోస్ట్ లతో అభిమానులకు ట్రీట్ ఇస్తూ వచ్చారు. ఇక లండన్ ట్రిప్ ముగించుకుని మెగాస్టార్ భార్య సురేఖతో కలిసి ఇండియా కి వచ్చేసారు. ఎయిర్ పోర్ట్ లో మెగాస్టార్ నడుస్తూ ఉండగా.. ఎయిర్ పోర్ట్ ఉద్యోగి, చిరు అభిమాని ఒకరు చిరుతో సెల్ఫీ దిగేందుకు చాలా ప్రయత్నం చెయ్యగా.. చిరు కాసేపు అలా నడుచుకుంటూ కూల్ గానే ఉన్న ఆ ఉద్యోగి మాత్రం తాను మెగాస్టార్ తో సెల్ఫీ దిగాలనే కోరికతో చిరు వెంట రాగా.. చిరు అతన్ని తోసేసిన వీడియో వైరల్ గా మారింది.
అది చూసిన చాలామంది మీరు పెద్ద హీరో కావొచ్చు కానీ సామాన్య జనం మీ సినిమాలు చూస్తేనే మీరు ఈ స్థాయిలో ఉన్నారు అని మరిచిపోతే ఎలా గురువు గారు అంటూ చిరు ఆ అభిమానిని అలా తొయ్యడం కరెక్ట్ కాదు అని స్పందిస్తూ చిరు ని ట్రోల్ చేస్తున్నారు.