సమంత గత కొన్నాళ్లుగా సినిమా షూటింగ్స్ లో పాల్గొనడం లేదు. ఖుషి, సిటాడెల్ తర్వాత షూటింగ్స్ కి బ్రేకిచ్చి అప్పుడే తొమ్మిదినెలలు కావొస్తుంది. ఈ మధ్యలో గ్లామర్ ఫొటోస్ షూట్స్, హెల్త్ టిప్స్ తో సోషల్ మీడియా నుంచి అభిమానులకు దగ్గరగా ఉంటుంది. కొన్నాళ్లుగా సినిమాలపై ఫోకస్ పెట్టని సమంత ఇప్పుడు నటనకు రీ ఎంట్రీ ఇచ్చేందుకు రెడీగా ఉంది.
ఆ విషయం సమంత నే చెప్పింది. తాను ఇకపై షూటింగ్స్ కి రెడీ అని. అంతేకాదు సమంత నిర్మాత అవతారమెత్తింది. అందులో భాగంగానే మా ఇంటి బంగారం అంటూ ఓ సినిమాని అనౌన్స్ చేసింది. ఆ సినిమాలో సమంత నిర్మాత మాత్రమే కాదు.. హీరోయిన్ కూడా ఆమె. అంటే కాకుండా తమిళనాట విజయ్ సినిమాలో సమంత కు హీరోయిన్ గా అవకాశం వచ్చింది అనే టాక్ ఉంది.
మరోపక్క సమంత హిందీలో కూడా ఓ ప్రాజెక్ట్ కి సైన్ చేసింది అనే ప్రచారం ఉండగా.. ఇప్పుడు సమంత త్వరలోనే కమ్ బ్యాక్ ఇవ్వబోతుందట. మరి సమంత అన్నీ ప్రిపేర్ చేసుకుని షూటింగ్ కి రెడీగా ఉంది ఓకె.. ముందుగా ఆమె సైన్ చేసిన ఏ సినిమా సెట్స్ లోకి సమంత అడుగుపెడుతుందా అని ఆమె అభిమానులు చాలా అంటే చాలా క్యూరియాసిటీ తో ఉన్నారు.