2024 ఎన్నికల్లో ఓటమి చవి చూసిన వైస్ జగన్ మోహన్ రెడ్డి కి వైసీపీ నేతలు ఒక్కొక్కరిగా షాకులిస్తున్నారు. కొంతమంది పార్టీకి రాజీనామా చేస్తుంటే.. మరికొందరు జగన్ మోహన్ రెడ్డిని తీవ్రంగా విమర్శిస్తున్నారు. జగన్ ఒంటెద్దు పోకడలు, జగన్ చుటూ ఉన్న వారి వల్లే వైసీపీ ఇంత ఘోరమైన ఓటమిని చవి చూడాల్సి వచ్చింది అంటూ మాట్లాడుతున్నారు.
ఇక జగన్ కి వెన్నుదన్నుగా నిలిచిన బ్లూ మీడియా కూడా జగన్ పై విమర్శలు సాధిస్తుంది. జగన్ కోసం పని చేసిన సోషల్ మీడియా వింగ్ ఒక్కొక్కరిగా జగన్ పై ఎటాక్ మొదలు పెట్టింది. వారికి ఇవ్వాల్సిన పేమెంట్స్ ఆగిపోయాయో ఏమో.. అందుకే మొదటి నుంచి వైసీపీ కి జగన్ రెడ్డికి భజన చేస్తూ జగన్ ప్రభుత్వం చేసిన తప్పులని కూడా ఒప్పులుగా చూపించడంలో సక్సెస్ అయిన మీడియాని జగన్ రెడ్డి సోషల్ మీడియా ఇంచార్జ్ మోసం చేసి పేమెంట్స్ ఎగ్గొట్టేసారు కాబట్టే వైసీపీ అనుకూల మీడియా కూడా జగన్ కి ఎదురు తిరిగింది అని చెప్పుకుంటున్నారు.
శ్రీరెడ్డి లాంటి వాళ్ళు ఐ-టీడీపీ ని తెగ పొగిడేస్తూ పోస్ట్ లు పెడుతున్నారు. ఐ-టీడీపీ వాళ్ళు చంద్రబాబు ని కానీ, లోకేష్ కానీ వైసీపీ వాళ్ళు ఎమన్నా అంటే వారి కుర్రాళ్ళని రంగంలోకి దించి కవచంలా కాపాడతారు. ఐ-టీడీపీ చాలా స్ట్రాంగ్.. దాని ముందు వైసీపీ సోషల్ మీడియా వేస్ట్ అంటూ ఇప్పుడు వైసీపీ పై ఎదురు దాడి మొదలు పెట్టింది. మరోపక్క వైసీపీ నమ్ముకున్న వెబ్ సైట్స్ కూడా జగన్ ని ముంచే దిశగా పని చెయ్యడం ఇప్పుడు హాట్ టాపిక్ అయ్యింది.