యంగ్ టైగర్ ఎన్టీఆర్ ప్రస్తుతం దేవర షూటింగ్ లో బిజీగా వున్నారని అనుకుంటున్నారు. కానీ ఆయన యంగ్ హీరోలైన సిద్దు జొన్నలగడ్డ, విశ్వక్ సేన్ లతో కలిసి గత రాత్రి జాలీగా టిల్లు స్క్వేర్ మూవీని వీక్షించి ఆ యువ హీరోలతో టైం స్పెండ్ చేసారు. అయితే ఎన్టీఆర్ ముందుగా కొరటాల శివ దేవర కంప్లీట్ చేసేసి హిందీలో చెయ్యబోయే వార్ 2 సెట్స్ లో ఎంటర్ అవుతారని అనుకున్నారు.
ఆర్.ఆర్.ఆర్ తర్వాత హిందీ నుంచి ఎన్ని ఆఫర్స్ వచ్చినా ఆచితూచి ఎన్టీఆర్ ఆయన్ ముఖర్జీ తో వార్ 2 కి గ్రీన్ సిగ్నల్ ఇచ్చాడు. హృతిక్ రోషన్ హీరో, మరి ఎన్టీఆర్ ఎలా ఒప్పుకున్నాడనే మాటకి ఎన్టీఆర్ ఇందులో హృతిక్ తో సమానమైన పవర్ ఫుల్ కేరెక్టర్ లో కనిపిస్తాడనగానే ఎన్టీఆర్ ఫాన్స్ రిలాక్స్ అయ్యారు. హృతిక్-ఎన్టీఆర్ కలిసి చేసే యాక్షన్ సినిమాలో మెయిన్ హైలెట్ అని అంటున్నారు.
అదలాఉంటే మార్చ్ లోనే హృతిక్ రోషన్ వార్2 సెట్స్ లోకి వెళ్ళిపోయాడు. ఎన్టీఆర్ ఎప్పుడెప్పుడు వెళ్తాడా అని ఆయన అభిమానులు ఎదురు చూస్తున్నారు. ఆ క్షణం వచ్చేసింది. ఎన్టీఆర్ హైదరాబాద్ టు ముంబై ట్రావెలింగ్ కి ముహుర్తం ఖరారైంది అంటున్నారు.
ఎన్టీఆర్ వార్ 2 కోసం డేట్లు కేటాయించిన‌ట్టుగా తెలుస్తోంది. ఈ నెల అంటే ఏప్రిల్ మూడో వారం నుంచి ఎన్టీఆర్ వార్ 2 సెట్లో అడుగు పెట్ట‌బోతున్నాడ‌ట. ముంబై లోని స్పెషల్ సెట్ లో ప‌ది రోజుల పాటు జ‌రిగే ఈ షెడ్యూల్ లో దర్శకుడు ఆయన్ ఎన్టీఆర్ పై కీల‌క స‌న్నివేశాల్ని తెరకెక్కిస్తార‌ని తెలుస్తోంది. ఈచిత్రంలో ఎన్టీఆర్ ఇండియన్ రా ఏజెంట్ గా కనిపించబోతున్నారనే టాక్ బాలీవుడ్ మీడియా సర్కిల్స్ లో నడుస్తుంది.