మలయాళంలో సూపర్ హిట్ అయిన నయట్టు మూవీని తెలుగులో బన్నీ వాస్ కోట బొమ్మాళి PS గా రీమేక్ చేసారు. తెలుగు నేటివిటీకి, ప్రేక్షకుల్లకి నచ్చేలా మార్పులు చేర్పులతో తెరకెక్కించిన ఈ చిత్రంలో శివాత్మిక రాజశేఖర్, శ్రీకాంత్, రాహుల్ విజయ్ లాంటి వారు కీలక పాత్రల్లో కనిపించారు. ఈ చిత్రం నవంబర్ 24 న థియేటర్స్ లో విడుదలై ప్రేక్షకుల చేత శెభాష్ అనిపించింది. మంచి ప్రమోషన్స్ తో బరిలోకి దిగిన ఈ చిత్రం అదే టాక్ తో నిర్మాతలకి లాభాలు తెచ్చిపెట్టింది.
థియేటర్స్ లో హిట్ అయిన ఈ చిత్రాన్ని ప్రముఖ ఓటిటి సంస్థ ఆహా వారు ఫ్యాన్సీ రేటుకి దక్కించుకున్నారు. మరి థియేటర్స్ లో విడుదలైనప్పుడు మిస్ అయిన ఆడియన్స్ ఈ చిత్రం ఎప్పుడెప్పుడు ఓటిటిలోకి వస్తుందా అని ఎదురు చూస్తున్నారు. అయితే కోటబొమ్మాళి PS చిత్రం జనవరి 5 న ఆహా నుంచి స్ట్రీమింగ్ అయ్యే అవకాశం ఉన్నట్లుగా తెలుస్తుంది. అంటే రేపు శుక్రవారం కాక వచ్చే శుక్రవారమే కోటబొమ్మాళి ఓటిటి ఆడియన్స్ ముందుకి రాబోతున్నట్లుగా టాక్.