రామ్ చరణ్ ప్రస్తుతం గేమ్ ఛేంజర్ షూటింగ్ లో ఇరుక్కుపోయాడు. శంకర్ దానిని ఎప్పుడు పూర్తి చేస్తారో చరణ్ కి కూడా క్లారిటీ లేదు. ఆ చిత్రం విడుదల తేదీ కోసం మెగా ఫాన్స్ వెయిటింగ్. అయితే చరణ్ తన తదుపరి మూవీని ఉప్పెన దర్శకుడు బుచ్చిబాబుతో అనౌన్స్ చేసాడు. బుచ్చిబాబు కూడా ఎన్టీఆర్ తో చెయ్యాల్సి ఉంది.. కానీ ఎన్టీఆర్ బిజీ షెడ్యూల్స్ వలన రామ్ చరణ్ కి షిఫ్ట్ అయ్యి చరణ్ తో RC16 ని ప్రకటించాడు. అయితే బుచ్చిబాబు గత ఏడాదిన్నరగా RC16 పైనే వర్క్ చేస్తున్నాడు. రామ్ చరణ్ డేట్స్ ఎప్పుడు సర్దుబాటు చేస్తాడో అనే ఆశలో బుచ్చిబాబు ఉన్నాడు.
ఈ చిత్రానికి ఏ ఆర్ రెహ్మాన్ సంగీత దర్శకుడిగా ప్రకటించారు. ప్రస్తుతం ప్రీ ప్రొడక్షన్ వర్క్ జరుగుతోంది. ఇప్పటికే AR రెహ్మాన్ కొన్ని పాటలు పూర్తి చేశారు అని తెలుస్తుంది. ఇప్పుడు మరో క్రేజీ అప్ డేట్ సోషల్ మీడియాలో కనిపించింది. అదేమిటంటే.. RC16 లో రామ్ చరణ్ ది చాలా స్ట్రాంగ్ కేరెక్టర్ గా ఉండబోతుంది అని, బలమైన స్పోర్ట్ డ్రామా, కిక్కెచ్చే ఎపిసోడ్స్ తో క్రేజీగా స్క్రిప్ట్ రెడీ అయ్యిందట. అలాగే రంగస్థలంలో చిట్టిబాబు మాదిరి మళ్లీ రామ్ చరణ్ పెర్ఫార్మెన్స్ గురించి గట్టిగా మాట్లాడుకునేలా డిజైన్ చేస్తున్నారు అని తెలుస్తోంది.
ఇక బుచ్చిబాబు RC16 ని మార్చ్ లేదా ఏప్రిల్ నుండి షూట్ మొదలు పెట్టే ఆలోచనలో ఉన్నాడంటున్నారు. ఈ క్రేజీ అప్ డేట్ తో మెగా ఫాన్స్ కూడా సంబరపడిపోతున్నారు. అంటే అప్పటికల్లా గేమ్ ఛేంజర్ షూటింగ్ ఓ కొలిక్కి వచ్చి రిలీజ్ డేట్ కూడా లాక్ అవుతుంది అనేది వారి ఉద్దేశ్యం.