మెగాస్టార్ చిరంజీవి భోళా శంకర్ తర్వాత బింబిసార డైరెక్టర్ వసిష్ఠతో మెగా 156 మొదలు పెట్టారు. నిన్న దసరా సందర్భంగా మెగా 156 మ్యూజిక్ సిట్టింగ్స్ తో సినిమాకి పూజా కార్యక్రమాలు జరిపించారు. ఈ చిత్రాన్ని యువీ క్రియేషన్స్ వారు భారీ బడ్జెట్ అంటే 200 కోట్లతో తెరకెక్కించబోతున్నట్లుగా ప్రచారం జరుగుతుంది. ఈ చిత్రం పంచభూతాలు నేపథ్యంలో ఉండబోతున్నట్టుగా మెగా 156 దసరా పోస్టర్ లో కనిపించింది.
అయితే ఈ చిత్రానికి ముందుగా ముల్లోకాల వీరుడు అనే టైటిల్ అనుకున్నారు. కానీ ఇప్పుడు ఆ టైటిల్ సరిపోతుంది అని, అలాగే ఈ టైటిల్ పవర్ ఫుల్ గాను ఉంటుంది అని ఈ టైటిల్ కే వసిష్ఠ-మెగాస్టార్ మొగ్గు చూపుతున్నారంటూ ఫిలిం సర్కిల్స్ లో వినిపిస్తోంది. పాన్ ఇండియా స్థాయిలో రూపొందుతున్న ఈ చిత్రానికి.. అన్ని భాషల్లో ఇదే టైటిల్ బావుంటుంది అని తెలుస్తుంది.
ఈ చిత్రంలో మెగాస్టార్ తో తలపడేందుకు రానాని విలన్ గా అనుకుంటున్నట్లుగా, అనుష్క, నయనతార ల పేర్లు హీరోయిన్స్ లో లిస్ట్ లో ఉన్నట్లుగా తెలుస్తుంది. నవంబర్ మూడో వారం నుంచి రెగ్యులర్ షూటింగ్ మొదలు పెట్టేందుకు వసిష్ఠ ప్లాన్ చేస్తున్నారు.