బాలకృష్ణ - అనిల్ రావిపూడి కలయికలో తెరకెక్కిన భగవంత్ కేసరి మరికొద్ది గంటల్లో ప్రేక్షకుల ముందుకు రాబోతుంది. ఓవర్సీస్ రివ్యూస్, పబ్లిక్ టాక్, బెన్ ఫిట్ షో టాక్ అంటూ మరోకొద్దిసేపట్లో సోషల్ మీడియాలో హడావిడి మొదలైపోయింది. ఇలాంటి సమయంలో భగవంత్ కేసరిలో ఓ సర్ ప్రైజ్ అభిమానులని ఉక్కిరిబిక్కిరి చేస్తుంది. అయితే అది సినిమా విడుదలైన వారానికి గాని ఆ సర్ ప్రైజ్ ఫాన్స్ దగ్గరికి రాదట. అదే బాలయ్య దంచవే మేనత్త కూతురు సాంగ్ రీమెక్.
ఈ సినిమా కోసం 3.50 కోట్లతో దంచవే మే నత్త కూతురా పాట రీమిక్స్ చేసారని, దాన్ని స్క్రాప్ చేసారనే వార్తలు అన్ని రూమర్స్ అంటుంది చిత్ర బృందం. పాటను స్క్రాప్ చేయలేదు అని భగవంత్ కేసరి విడుదలైన ఓ వారం తరువాత యాడ్ చేస్తారు అని సమాచారం. అంతేకాకుండా దంచవే మేనత్త కూతురు పాట రీమిక్స్ చేయలేదట. కానీ ఒరిజినల్ సాంగ్ లో ఓ బిట్ గా మాత్రమే దంచవే మేనత్త కూతురా అని వస్తుందట. మరి ఈ సర్ ప్రైజ్ కోసం బాలయ్య ఫాన్స్ వారం వెయిట్ చెయ్యాల్సిందే.
ఇక ఈ చిత్రంలో ఫ్లాష్ బ్యాక్ ఎపిసోడ్ భగవంత్ కేసరి చిత్రానికి చాలా బలంగా ఉండబోతుంది. ఈ ఎపిసోడ్ లో అభిమానులకి పూనకాలు తెప్పించేలా 15 నిమిషాల పాటు బాలయ్య పోలీస్ ఆఫీసర్ గా కనిపిస్తాడని టాక్. పోలీస్ గెటప్ లో బాలకృష్ణ బీభత్సం చూపిస్తారు అంటూ జరుగుతున్న ప్రచారం ఇప్పుడు సోషల్ మీడియాలో హాట్ టాపిక్ గా మారింది.