మెగాస్టార్ చిరంజీవి భోళా శంకరుడిగా శివ తాండవం చేసేందుకు సమయం ఆసన్నమైంది. మరో వారం రోజుల్లో మెగాస్టార్ ఆడియన్స్ ముందుకు రాబోతున్నారు. ఆగష్టు 11న భోళా శంకర్ రిలీజ్ కాబోతుంది. అయితే ఈ చిత్రం విడుదల కాగానే మెగాస్టార్ చిరు మరో మూవీతో సెట్స్ మీదకి వెళ్ళబోతున్నారు. సోగ్గాడే చిన్నినాయనా, బంగార్రాజు ఫేమ్ కళ్యాణ్ కృష్ణతో మెగాస్టార్ తదుపరి మూవీ ఉండబోతుంది. ఈ మూవీకి సంబందించిన పూజా కార్యక్రమాలు, రెగ్యులర్ షూట్ అతి త్వరలోనే ఉండబోతుంది.
ఈ చిత్రం నుండి ఫస్ట్ గ్లింప్స్ ఇవ్వడానికి కూడా మేకర్స్ తేదీని రెడీ చేసేస్తున్నారు. ఆగస్టు 22 న మెగాస్టార్ బర్త్ డే సందర్భంగా చిరు-కళ్యాణ్ కృష్ణ మూవీ నుండి గ్లింప్స్ ఇచ్చేందుకు గట్టిగానే ప్లాన్ చేస్తున్నారు. మెగా ఫాన్స్ కి ఈ గ్లింప్స్ తోనే కళ్యాణ్ కృష్ణ అదిరిపోయే ట్రీట్ ఇవ్వబోతున్నట్లుగా తెలుస్తుంది. అయితే ఈ చిత్రం ఫ్యామిలీ ఎంటర్టైనర్ గా ఉండబోతుంది అని తెలుస్తోంది. పైగా ఇది మలయాళ బ్రో డాడీ కి రీమేక్ అనే ప్రచారమూ ఉంది. ఈ చిత్రం కోసమే దర్శకుడు కళ్యాణ్ కృష్ణ హీరోయిన్ గా త్రిష ని సంపాదించే పనిలో పడ్డాడు.