కోలీవుడ్ లోకి విజయ్ లాంటి హీరో సరసన ఛాన్స్ కొట్టేసి అక్కడ గ్రాండ్ గా ఎంట్రీ ఇద్దామనుకున్న రష్మిక మందన్న కి వారసుడు బిగ్ షాక్ ఇచ్చింది. వారసుడు ఫలితం ఎలా ఉన్నా రశ్మికకి ఆ చిత్రం భారీగా నీరసాన్ని మిగిల్చింది. ఆ తర్వాత తెలుగు, తమిళ్ లాంగ్వేజెస్ లో రెయిన్ బో మూవీ చేస్తుంది. అదలా ఉంటే.. ప్రస్తుతం బాలీవుడ్ లోనే జెండా పాతడానికి ట్రై చేస్తున్న రష్మిక ఇటు సౌత్ ఆఫర్స్ వదులుకోవడానికి సిద్ధంగా లేదు. కొద్దిరోజుల క్రితం రష్మిక నితిన్-వెంకీ కుడుములు మూవీ నుండి ఆమె తప్పుకుందనే ప్రచారం జరిగినా.. దానిపై క్లారిటీ లేదు.
ఇప్పుడు తాజాగా శేఖర్ కమ్ములతో ధనుష్ చెయ్యబోయే ప్యాన్ ఇండియా మల్టీస్టారర్ కోసం రష్మిక పేరు పరిశీలిస్తున్నారని తెలియగానే ఆమె ఫ్యాన్స్ సంబరపడుతున్నారు. పుష్ప పార్ట్ 1 తోశ్రీవల్లిగా పలు భాషల ఆడియన్స్ ని అట్రాక్ట్ చేసిన రష్మిక ఆ తర్వాత సీతారామం వంటి ప్యాన్ ఇండియా హిట్ లో భాగమైంది. ఇక ఇప్పుడు ధనుష్ మూవీ ఛాన్స్ ఓకె అయితే గనక రష్మిక లక్కీ గర్ల్ అనే అనాలి.
అయితే నితిన్ మూవీ నుండి డేట్స్ అడ్జెస్ట్ కాలేదని రష్మిక ఆ ప్రాజెక్ట్ నుండి బయటికెళ్లింది అనే న్యూస్ ఉంది. ఒక వేళ అదే నిజమైతే ధనుష్ మూవీ ఆ డేట్స్ ఎలా అడ్జెస్ట్ చేస్తుందో చూడాలి. మరి డేట్స్ అడ్జెస్ట్ చేసి ధనుష్ సరసన చేయడానికి ఆమె గ్రీన్ సిగ్నల్ ఇస్తే.. కోలీవుడ్ లో మరోసారి హాట్ టాపిక్ అవ్వడం గ్యారెంటీ.