రకుల్ ప్రీత్ బాలీవుడ్ లో బిజీగా ఉన్నప్పటికీ ఆమెకి మాత్రం విజయం దరి చేరింది లేదు. అక్కడ సినిమాలు చేస్తుంది. కానీ ఫలితం సూన్యం అన్నట్టుగా ఉంది. సౌత్ లో ఇండియన్ 2 మాత్రమే చేస్తుంది. తెలుగులో కనబడి చాలా కాలమైపోయింది. చక్కగా బబ్లీగా అందంగా కనబడే రకుల్ ప్రీత్ బాలీవుడ్ మీద మోజుతో సైజు జీరో ట్రై చేసింది, అప్పటినుండి మొహంలో చిరునవ్వు తప్ప అందం లేకుండా పోయింది. చీపురు పుల్లలా మారిపోయింది. జిమ్ చెయ్యొచ్చు కానీ.. మరీ అంతలా అందం తగ్గేలా చెయ్యాలా అంటూ నెటిజెన్స్ రకుల్ పై చెయ్యని కామెంట్ లేదు.
ఇక షూటింగ్ నుండి బ్రేక్ దొరికినప్పుడల్లా ప్రియుడు జాకీ భగ్నానీ తోనో.. లేదంటే ఫ్యామిలితోనో, సింగిల్ గానో వెకేషన్స్ కి చెక్కేస్తుంది. తాజాగా రకుల్ ప్రీత్ దుబాయ్ లో తేలింది. అక్కడ దుబాయ్ లో ఫ్యామిలీతో కలిసి ఎంజాయ్ చేస్తున్న పిక్స్ సోషల్ మీడియాలో షేర్ చేసింది. బుల్లి గౌను వేసుకున్న పెద్ద పాప అంటూ రకుల్ ప్రీత్ ఫొటోస్ కి నెటిజెన్స్ క్యాప్షన్ పెడుతున్నారు. చిట్టిపొట్టి ఫ్రాక్ లో రకుల్ చిరునవ్వులు చిందిస్తూ ఎంజాయ్ చేస్తుంది. రకుల్ దుబాయ్ వీధుల్లో చక్కర్లు కొడుతున్న పిక్స్ వైరల్ గా మారాయి
ఇక ఈ మధ్యనే రకుల్ ప్రీత్ తెలుగులో పవన్ కళ్యాణ్ మూవీ BRO లో స్పెషల్ సాంగ్ చేసే అవకాశం వదులుకున్నట్టుగా వార్తలొచ్చాయి. స్పెషల్ సాంగ్ ని ముందు ఒప్పుకుని తర్వాత రకుల్ BRO టీమ్ కి హ్యాండ్ ఇచ్చినట్టుగా గుసగుసలు వినిపించాయి.