ఆదిపురుష్ రిలీజ్ కి ముందు మాయమైన ప్రభాస్ మళ్ళీ ఇన్నాళ్ళకి ప్రాజెక్ట్ K గ్లిమ్ప్స్ రోజున దర్శనమిచ్చారు. ఆదిపురుష్ ప్రీ రిలీజ్ ఈవెంట్ లో వైట్ షర్ట్ తో ప్రభాస్ లుక్స్ చూసి ఫాన్స్ మురిసిపోయారు. కానీ ఆదిపురుష్ మూవీలో ప్రభాస్ కేరెక్టర్ చూసి నీరుగారిపోయారు. ఇక ఆదిపురుష్ హడావిడి ముగిసింది. సలార్, ప్రాజెక్ట్ K హడావిడి సందడి మొదలైపోయింది. సలార్ నుండి టీజర్ వదిలారు అందులో ప్రభాస్ లుక్ నచ్చింది కానీ.. టీజర్ ని KGF తో పోల్చారు.
ఇక ఇప్పుడు ప్రాజెక్ట్ K వంతు.. ప్రాజెక్ట్ K లో ప్రభాస్ సూపర్ హీరో లుక్ వదలగా.. అది ఇప్పుడు సోషల్ మీడియాలో ట్రోల్ అవుతుంది. ఐరెన్ మ్యాన్ బాడీకి ప్రభాస్ తల తగిలించారంటూ ట్రోల్ చేస్తున్నారు. అయితే ఈరోజు ప్రాజెక్ట్ K గ్లిమ్ప్స్ కోసం ప్రభాస్ అమెరికాలో సందడి చేసారు. ప్రభాస్ లేటెస్ట్ లుక్ బయటికి వచ్చింది. ప్రభాస్ ఇలా బయట ఫార్మల్ గా చాలా బావున్నారు. ప్రాజెక్ట్ K లుక్ లో అస్సలు బాలేదు అంటూ నెటిజెన్స్ మాట్లాడుకుంటున్నారు. బ్లూ కలర్ కోట్ లో ప్రభాస్ తాజా లుక్స్ స్టైలిష్ గా ఉన్నాయి.
ప్రాజెక్ట్ K లో ప్రభాస్ లుక్ పై విమర్శలు వస్తున్న తరుణంలో ప్రాజెక్ట్ K నుంచి రాబోతున్న గ్లిమ్ప్స్ పై ఇప్పుడు అందరిలో అనుమానాలున్నాయి. నాగ్ అశ్విన్ ఏం చేస్తారో.. ఈ ప్రాజెక్ట్ K టీజర్ తో ఎలా మెప్పిస్తారో.. లేదంటే డిస్పాయింట్ చేస్తారా అంటూ తెగ మధనపడుతున్నారు.