యంగ్ టైగర్ ఎన్టీఆర్ గత బర్త్ డే కి కొరటాల శివ నుండి #NTR30 వీడియో గ్లిమ్ప్స్ తో పాటుగా ప్రీ లుక్ పోస్టర్ వచ్చింది. అంతేకాకుండా ప్రశాంత్ నీల్ తో ఎన్టీఆర్ చెయ్యబోతున్న #NTR31 నుండి కూడా ఫస్ట్ లుక్ పోస్టర్ వదిలి ఎన్టీఆర్ ఫాన్స్ కి మరిచిపోలేని సర్ ప్రైజ్ లు ఇచ్చారు. మరి సినిమా అనౌన్సమెంట్స్ కే ఎన్టీఆర్ బర్త్ డే కి ఫాన్స్ ఆ విధమైన ట్రీట్స్ తో ఎంజాయ్ చేస్తే.. ఈ ఏడాది #NTR30 షూటింగ్ మొదలైపోయింది.
ఎన్టీఆర్ బర్త్ డే కి మరో పది రోజుల సమయమే ఉంది. మే 20 జూనియర్ ఎన్టీఆర్ బర్త్ డే కి ఎన్టీఆర్30 నుండి కొరటాల ఇవ్వబోయే ట్రీట్ పై అందరిలో సస్పెన్స్ క్రియేట్ అయ్యింది. కొరటాల #NTR30 నుండి ఎలాంటి స్పెషల్ ట్రీట్ ఇస్తాడో అని ఎన్టీఆర్ ఫాన్స్ వెయిట్ చేస్తున్నారు. తాజా సమాచారం ప్రకారం #NTR30 ఫస్ట్ లుక్ ను మేకర్స్ రిలీజ్ చేయనున్నట్లు తెలుస్తుంది. ఈ ఫస్ట్ లుక్ వీడియో మోషన్ పోస్టర్ తో పాటు వాయిస్ ఓవర్ కూడా హైలైట్ గా నిలవబోతుంది అంటున్నారు.
ప్రస్తుతం శరవేగంగా షూటింగ్ జరుపుకుతున్న #NTR30 చిత్రీకరణలో కొరటాల బిజీ బిజీగా ఉన్నాడు. గ్యాప్ లేకుండా షెడ్యూల్స్ ప్లాన్ చేసుకుంటున్నాడు. ఈ చిత్రంలో ఎన్టీఆర్ పాత్ర చాలా కొత్తగా ఉంటుందని, కథ నేపథ్యానికి తగ్గట్టే ఎన్టీఆర్ పాత్రను కూడా చాలా పవర్ ఫుల్ గా, చాలా ఇంట్రెస్టింగ్ గా డిజైన్ చేశారని తెలుస్తోంది. ఇక ఈ చిత్రంలో ఎన్టీఆర్ సరసన జాన్వీ కపూర్ నటిస్తుండగా కోలీవుడ్ సంచలనం అనిరుద్ మ్యూజిక్ అందిస్తున్నాడు.