కన్నడ సంచలనం KGF 2 రిలీజ్ అయ్యి ఈరోజుకి ఏడాది పూర్తయ్యింది. ప్రశాంత్ నీల్-యశ్ కాంబోలో హోంబేలె ఫిలిమ్స్ నిర్మాణంలో భారీ బడ్జెట్ తో పాన్ ఇండియా మూవీగా ఏప్రిల్ 14న విడుదలై ప్రపంచ వ్యాప్తంగా 1200 కోట్లు కొల్లగొట్టి రికార్డులు సృష్టించింది. ఈరోజుకి ఏడాది పూర్తయిన సందర్భంగా KGF మేకర్స్ పోస్టర్ తో పాటుగా ఓ వీడియోని రిలీజ్ చేసారు. KGF2 క్లైమాక్స్ లో యశ్ డబ్బు, బంగారంతో సముద్రంలో పారిపోతూ మునిగిపోయినట్టుగా చూపిస్తూ KGF 3 కి హింట్ ఇచ్చారు మేకర్స్.
ఇప్పుడు ఆ చిత్రం విడుదలై ఏడాది అయిన సందర్భంగా మేకర్స్ వదిలిన వీడియోతో మరోసారి ఆ వాగ్దానం గురించి అభిమానులని అలెర్ట్ చేసింది. మోస్ట్ పవర్ ఫుల్ మ్యాన్ చేసిన పవర్ ఫుల్ యాక్షన్. KGF 2 చిత్రంలో మరిచిపోలేని పాత్రలు, యాక్షన్ మనల్ని మరో ప్రపంచంలోకి తీసుకువెళుతుంది. కోట్లాదిమంది హృదయాల్ని కొల్లగొట్టి.. రికార్డ్ లు సృష్టించింది. అంతేకాకుండా వాగ్దానం ఇంకా మిగిలే ఉంది అంటూ ఆ వీడియో చివరిలో మరోసారి KGF 3పై హిట్న్ ఇచ్చారు.
మరి ప్రశాంత్ నీల్ కూడా KGF 3 మొదలు పెట్టేందుకు సన్నద్ధమవుతున్నారని.. ఆయన సలార్ రిలీజ్ కాగానే.. KGF3 ని మొదలు పెట్టే ఆలోచనలో ఉన్నట్లుగా టాక్ ఉంది. `