పాన్ ఇండియా స్టార్ ప్రభాస్ వరస ప్రాజెక్ట్స్ తో ఫాన్స్ కి ట్రీట్స్ మీద ట్రీట్స్ ఇస్తున్నాడు. ఇప్పటికే ఆదిపురుష్. సలార్, స్పిరిట్, ప్రాజెక్ట్ K చిత్రాలతో పాటుగా మారుతి మూవీ, బాలీవుడ్ డైరెక్టర్ సిద్దార్థ్ దర్శకత్వంలో ఓ మూవీ కి కమిట్ అయిన ప్రభాస్ ఇప్పుడు లెక్కల మాస్టర్ సుక్కుకి కనెక్ట్ అయ్యాడనే న్యూస్ సోషల్ మీడియాలో చక్కర్లు కొడుతోంది. పుష్ప తో పాన్ ఇండియా హిట్ కొట్టిన సుకుమార్ ప్రస్తుతం పుష్ప పార్ట్ 2 షూటింగ్ చేసుకుంటున్నారు. అయితే తాజాగా ప్రభాస్ కి సుకుమార్ ప్రాజెక్ట్ కూడా ఓకె అవ్వబోతుంది అనే న్యూస్ ఫాన్స్ ని షేక్ చేస్తుంది.
ప్రభాస్-సుకుమార్ కలిసి పాన్ ఇండియా మూవీ చేయబోతున్నారని, ఈ విషయంలో మేకర్స్ ప్రకటన ఇవ్వడానికి సిద్దమవుతున్నారనే టాక్ వినిపిస్తుంది. ఈ క్రేజీ కాంబోకి కాశ్మీరీ ఫైల్స్ డైరెక్టర్ వివేక్ అగ్నిహోత్రితో పాటుగా అభిషేక్ అగర్వాల్ నిర్మాతలుగా ఉండబోతున్నారు. మరి ప్రభాస్ గ్యాప్ లేకుండా షూటింగ్స్ చేస్తున్నా ఆయన చేతిలో ఉన్న ప్రాజెక్ట్ పూర్తికావడానికి మరో రెండుమూడేళ్లు పట్టడం ఖాయం. పుష్ప పార్ట్ 2 రిలీజ్ అయ్యాక సుక్కు ఖాళీ, పుష్ప 2 కూడా 2024 లోనే విడుదల కావొచ్చని, ఆ తర్వాతే సుకుమార్ ప్రభాస్ తో స్క్రిప్ట్ వర్క్ లో కూర్చుంటారంటూ ఏవేవో కథనాలను మీడియాలో హైలెట్ అవుతున్నాయి.
ఈ కాంబో ఫిక్స్ అయినా, అవ్వకపోయినా.. ప్రభాస్-సుక్కు కాంబో అని విన్నాక ఈ న్యూస్ హాట్ కేకులా మారింది.