కన్నడ లో రిషబ్ శెట్టి నటించిన కాంతారా మూవీ పై ప్రభాస్ ఇన్స్టా వేదికగా స్పందించడం తో తెలుగు ప్రేక్షకుల చూపు ఆటోమాటిక్ గా ఆ సినిమాపై పడింది. కన్నడ నుండి వచ్చిన KGF తర్వాత అంతటి సంచలనాన్ని కాంతారా క్రియేట్ చేసింది. కన్నడలో రీసెంట్ గా విడుదలై బ్లాక్ బస్టర్ హిట్ గా నిలిచినా ఈ సినిమాని తెలుగులో గీత ఆర్ట్స్ ద్వారా అల్లు అరవింద్ డబ్బింగ్ హక్కులని దక్కించుకుని.. ఇక్కడ కూడా ప్రమోట్ చేసి రేపు 15 న రెండు తెలుగు రాష్ట్రాల్లో విడుదల చేస్తున్నారు. దానితో అందరి చూపు ఆ సినిమాపైనే ఉంది.
ఈలోపు హైదరాబాద్ లోని ప్రసాద్ లాబ్స్ లో ప్రభాస్ ప్రత్యేకంగా ఈ రోజు గురువారం సాయంత్రం కాంతారా స్పెషల్ షో వేయించుకుని వీక్షించడం ఇంట్రెస్టింగ్ గా మారింది. దానితో ప్రభాస్.. ఏంటి ఆ సినిమాపై అంత ఇంట్రెస్ట్ చూపిస్తున్నావు అంటూ నెటిజెన్స్ కామెంట్స్ చేస్తున్నారు. ప్రస్తుతం ఎంతో బిజీగా వున్న ప్రభాస్.. ఇలా ఆ సినిమాపై స్పెషల్ ఇంట్రెస్ట్ చూపించడం వలన ఆ సినిమాకి మంచి బజ్ క్రియేట్ అవుతుంది అనడంలో సందేహం లేదు . ప్రభాస్ తో పాటుగా సలార్ డైరెక్టర్ ప్రశాంత్ నీల్ కూడా కాంతారా మూవీని ప్రసాద్ లాబ్స్ లో వీక్షిస్తున్నట్టుగా తెలుస్తుంది.