టాలీవుడ్ మోస్ట్ వాంటెడ్ పెళ్లి కొడుకు ప్రభాస్ పెళ్లి పేరు అస్సలెత్తడు. పెదనాన్న కృష్ణం రాజు గారు ప్రభాస్ ఒప్పుకుంటే నిమిషాల మీద అమ్మాయిని చూసి పెళ్లి చేస్తా అనేవారు. ఆయన వెళ్లిపోయారు. బాహుబలి తర్వాత అనుష్క తో లవ్ లో ఉన్నాడు ప్రభాస్ అందుకే.. ఆయన పెళ్ళి చేసుకోవడం లేదు అంటూ ప్రచారం జరిగినా.. దానిని ఇద్దరూ ఖండిస్తూనే ఉన్నారు. ప్రభాస్-అనుష్క పెళ్లి ఊసెత్తరు. అటు ఆమె చేసుకోదు, ఇటు ఈయన చేసుకోడు. 40 ఏళ్ళు పైబడినా పెళ్లి చేసుకోని ప్రభాస్ ఇప్పుడు బాలీవుడ్ బ్యూటీ తో డేటింగ్ లో ఉన్నాడనే న్యూస్ అక్కడి మీడియా సర్కిల్స్ లో చక్కర్లు కొడుతున్న న్యూస్.
ఆదిపురుష్ లో ప్రభాస్ కృతి సనన్ తో కలిసి నటించారు. ఆ హీరోయిన్ తోనే ప్రభాస్ డేటింగ్ లో ఉన్నారని, ఆదిపురుష్ సెట్స్ లో వీరి పరిచయం డేటింగ్ వరకు వెళ్లి ఆమె ప్రభాస్ కి డార్లింగ్ అయ్యింది అంటూ అక్కడి మీడియాలో కథనాలు మొదలయ్యాయి. కృతి సనన్ కూడా కాఫీ విత్ కరణ్ షో లో ఎవరికైనా ఫోన్ చెయ్యమనగానే కృతి టక్కున ప్రభాస్ కాల్ చెయ్యడం, ఆదిపురుష్ షూటింగ్ అయ్యాక ప్రభాస్ మొదట్లో చాలా మొహమాటస్తుడు, సిగ్గరి అనుకున్నా, కానీ ఆయన చాలా బాగా కలిసిపోతారంటూ కృతి ప్రభాస్ పై చేసిన వ్యాఖ్యలతో ఈ డేటింగ్ మేటర్ ని ముడిపెట్టేస్తున్నారు నెటిజెన్స్.