లైగర్ మూవీ డిసాస్టర్ తర్వాత విజయ్ దేవరకొండ పూరి జగన్నాథ్ తో సెట్స్ మీదకి తీసుకెళ్లిన పాన్ ఇండియా ప్రాజెక్ట్ జన గణ మన ని హోల్డ్ లో పెట్టెయ్యడం కాకుండా ఆపేసాడనే వార్తలు వినిపిస్తున్నాయి. ప్రస్తుతం విజయ్ దేవరకొండ కాన్సంట్రేషన్ అంతా శివ నిర్వాణతో చేస్తున్న లవ్ స్టోరీ ఖుషి మీదే పెట్టాడంటున్నారు. ఆతర్వాత విజయ్ దేవరకొండ సుకుమార్ తో ఓ ప్రాజెక్ట్ కమిట్ అయినా.. దానిపై ఎలాంటి క్లారిటీ లేదు. కొత్తగా ఇప్పుడు విజయ్ దేవరకొండ హీరోగా హరీష్ శంకర్ దర్శకత్వంలో ఓ మూవీ వచ్చే అవకాశం ఉన్నట్లుగా ఓ న్యూస్ చక్కర్లు కొడుతోంది.
హరీష్ శంకర్ అటు పవన్ కళ్యాణ్ భవదీయుడు భగత్ సింగ్ కోసం వెయిట్ చేస్తున్నాడు. కానీ పవన్ కళ్యాణ్ హరి హర వీరమల్లు షూటింగ్ కంప్లీట్ చెయ్యాల్సి ఉండడంతో హరీష్ శంకర్ ఈలోపు విజయ్ దేవరకొండ ఓ మూవీ ప్లాన్ చేసాడని అంటున్నారు. హరీష్ శంకర్-విజయ్ దేవరకొండ కలయికలో భారీ బడ్జెట్ తోనే సినిమా చేయబోతున్నారని, దీనికోసం బిగ్ ప్లాన్స్ కూడా చేస్తున్నట్టుగా టాలీవుడ్ సర్కిల్స్ లో వినిపిస్తున్న టాక్. దీనితో బాక్సాఫీసు లెక్కలు మారిపోవడం ఖాయమని అంటున్నారు.