మెగాస్టార్ చిరంజీవి - మోహన్ రాజా కాంబోలో గాడ్ ఫాదర్ చిత్రం ప్రతిష్టాత్మకంగా తెరకెక్కుతుంది. బాలీవుడ్ సూపర్ స్టార్ సల్మాన్ ఖాన్ ఈ చిత్రంతో టాలీవుడ్ అరంగేట్రం చేస్తున్నారు. ప్రస్తుతం ముంబై లో చిత్రీకరణ జరుపుకుంటున్న ఈ చిత్రం నుండి బ్లాస్టింగ్ న్యూస్ వచ్చింది. ఈ చిత్రంలో ఇద్దరు మెగాస్టార్లకు ఫ్యాన్స్ ని ఉర్రూతలూగించే ఓ బాంబింగ్ సాంగ్ వుంది. ఈ స్పెషల్ డ్యాన్స్ నంబర్‌ కు ఇండియన్ మైకేల్ జాక్సన్ ప్రభుదేవా కొరియోగ్రఫీ చేస్తున్నారు.
ఈ సాంగ్ చిత్రీకరణకు సంబధించిన ఒక ఫోటోని సోషల్ మీడియా వేదికగా పంచుకున్నారు మెగాస్టార్ చిరంజీవి. గాడ్‌ఫాదర్‌ కోసం భాయ్‌ సల్మాన్ తో కలిసి డ్యాన్స్ చేశా. ప్రభుదేవా కొరియోగ్రఫీ వండర్ ఫుల్. ఈ పాట అభిమానులకు ఖచ్చితంగా కన్నుల పండగ అని ట్వీట్‌ చేశారు మెగాస్టార్. నయనతార కీలక పాత్రలో నటిస్తుండగా, స్టార్ దర్శకుడు పూరి జగన్నాధ్ అతిధి పాత్రలో కనిపించనున్నారు. సత్యదేవ్ విలన్ పాత్ర పోషిస్తున్నాడు.