కొన్నేళ్లుగా ప్రేమించుకుంటూ చెట్టాపట్టాలేసుకుని తిరిగినా మీడియాకి ఎక్కువగా ఫోకస్ అవ్వకుండా జాగ్రత్తలు తీసుకుని పెళ్లి విషయంలోనూ అంతే సీక్రెట్ ని మెయింటింగ్ చేసి పెళ్లి చేసుకున్న తర్వాత ఇద్దరూ మీడియా లో హైలెట్ అయిన బాలీవుడ్ పాపులర్ జంట విక్కీ కౌశల్ - కత్రినా కైఫ్ లు. వీరిద్దరి పెళ్లి రాజస్థాన్లోని ఓ రిసార్ట్స్ లో అంగరంగ వైభవంగా జరగగా.. తర్వాత ఈ ఇద్దరూ హానిమన్ కి వెళ్లొచ్చి ఎవరి షూటింగ్స్ లో వారు బిజీ అయ్యారు. రీసెంట్ గా కత్రినా కైఫ్ బర్త్ డే వేడుకల కోసం వెకేషన్స్ కి వెళ్లి సోషల్ మీడియాలో హడావిడి చేసిన ఈ జంటకి చంపేస్తామంటూ బెదిరింపులు రావడం హాట్ టాపిక్ గా మారింది.
విక్కీ కౌశల్ - కత్రినా కైఫ్ ని దారుణంగా హింసించి చంపేస్తాను అంటూ ఓ నెటిజెన్ సోషల్ మీడియాలో తరచూ పోస్ట్ లు పెడుతూ ఉండడంతో పోలీస్ లు ఈ విషయంలో దర్యాప్తు చేసి ఆ గుర్తు తెలియని వ్యక్తిపై పోలీస్ స్టేషన్ లో కేసు నమోదు చేసారు. ఆ వ్యక్తి తో ప్రస్తుతం ప్రమాదం లేకపోయినా.. ఎప్పుడైనా విక్కీ కౌశల్ - కత్రినాలపై దాడి జరగొచ్చనే అనుమానం పోలీస్ లు వ్యక్తం చేస్తున్నారు.