రామ్ చరణ్ ట్రిపుల్ ఆర్ సక్సెస్ తో పాన్ ఇండియా లో మంచి బోణి కొట్టారు. పాన్ ఇండియా మార్కెట్ లో వాల్యూ పెంచుకున్న రామ్ చరణ్ తన తదుపరి మూవీ ని కూడా ఆ లెవల్ మూవీ నే చేస్తున్నారు. టాప్ డైరెక్టర్ శంకర్ తో రామ్ చరణ్ RC15 అంటూ మూడు లాంగ్వేజెస్ లో సినిమాని మొదలు పెట్టారు. ఈ సినిమాలో చరణ్ కి జోడిగా మరోసారి కియారా అద్వానీ నటిస్తుంది. గత నెలలో రాజమండ్రి పరిసర ప్రాంతాల్లో RC15 షూటింగ్ చేసిన శంకర్ అండ్ టీం ప్రస్తుతం చరణ్ కోసం వెయిట్ చేస్తున్నారు.
అయితే ఈ సినిమాకి దిల్ రాజు భారీ బడ్జెట్ పెడుతున్నారు. శంకర్ అంటేనే భారీతనం. మరి ఈ బడ్జెట్ విషయంలో RC15 పై బయటికొస్తున్న ప్రతి న్యూస్ సెన్సేషన్ అవుతుంది. అందులో ఓ సాంగ్ కోసం శంకర్ ఏకంగా 12 కోట్లు ఖర్చు చేయించారని అన్నారు. ఇప్పుడేమో ఓ ఫైట్ సీన్ కోసం 10 కోట్లు ఖర్చు చేయిస్తున్నారట. ఈ యాక్షన్ సీక్వెన్స్ RC15 కి హైలెట్ గా నిలుస్తుంది అని.. అందుకే శంకర్ కాంప్రమైజ్ కాకుండా ఈ యాక్షన్ సీన్ ని తెరకెక్కించబోతున్నారట. ఈ సినిమాలో చరణ్ కి విలన్ గా ఎస్ జె సూర్య నటిస్తుండగా, మరో కీలక పొలిటికల్ కేరెక్టర్ లో అరవింద్ స్వామి నటిస్తారని తెలుస్తుంది. ఇంకా అంజలి, శ్రీకాంత్ లాంటి భారీ నటీనటులు ఈ సినిమాలో భాగమవుతున్నారు.