ఓ రాష్ట్రంలో ప్రతికూల పరిస్థితులు ఉన్నా ఇతర ప్రాంతాల్లో మాత్రం పవన్ కళ్యాణ్ పవర్ మరోసారి ప్రూవ్ అయింది. బాక్సాఫీస్ కలెక్షన్స్ లో భీమ్లా నాయక్ ర్యాంపేజ్ ఎక్కడికక్కడ కోట్లు కొల్లగొట్టేసే రేంజ్ లో కొనసాగుతోంది. అన్నిచోట్లా వసూళ్లు వెల్లువెత్తుతున్నాయి. కొన్ని చోట్ల కొత్త రికార్డులు నమోదవుతున్నాయి. మొత్తానికి అభిమాన ప్రేక్షకుల అపూర్వ ఆదరణ ఫలితంగా మొదటి మూడు రోజుల్లోనే 100 కోట్ల క్లబ్ లోకి ఎంటర్ అయ్యాడు భీమ్లా నాయక్. అవరోధాలను తట్టుకుని మరీ ఇలా అనూహ్యమైన వసూళ్లతో దూసుకుపోతున్న భీమ్లా గతంలో వచ్చిన బాహుబలి సిరీస్, సాహూ, పుష్ప సినిమాల తరువాత టాలీవుడ్ ఫాస్టెస్ట్ 100 క్రోర్స్ గ్రాసర్ గా నిలిచిందని అంటున్నాయి ట్రేడ్ వర్గాలు. అయితే ఈ జాబితాలో టాప్ ఫోర్ మూవీస్ పాన్ ఇండియా సినిమాలైతే భీమ్లా నాయక్ మాత్రం కేవలం రీజనల్ సినిమాగానే రిలీజ్ కావడం, అందులోనూ రీమేక్ అయి ఉండీ ఈ ఫీట్ అఛీవ్ చేయడం గ్రేట్ అని చెప్పాలి.
ఇక ఈ సినిమా ఫస్ట్ వీకెండ్ లోనే సాధించిన వసూళ్ల వివరాల్లోకి వెళితే...
AP/TS Day 1 : 37.50Cr
AP/TS Day 2 : 21.14Cr
AP/TS Day 3 : 22.30Cr
కర్ణాటక (3 డేస్ ) : 7.09Cr
రెస్టాఫ్ ఇండియా : 1.10 Cr
ఓవర్సీస్ : 15.25Cr
టోటల్ గా మొదటి మూడు రోజుల భీమ్లా కలెక్షన్ : 104.38Cr
(ఇది సమాచారం మాత్రమే. అధికారికంగా ప్రకటించాల్సి ఉంది)