ఇప్పుడిప్పుడే పైకి వస్తున్న ఓ కుర్ర హీరో రెండు మూడు సినిమాలతో బిజీ గా వున్నాడు. హీరోగా ఎంట్రీ ఇచ్చిన కొత్తల్లో సినిమాల కోసం అందరి దగ్గరికి వెళ్లి చాలా వినయంగా మాట్లాడతారు, కానీ రెండు మూడు సినిమాలు వచ్చాక తానేదో పెద్ద స్టార్ అనుకుంటారు. ఆ హీరో ఆమధ్య చేసిన ఓ సినిమా ఓ టి టి లో విడుదల అయి, మంచి హిట్ అయ్యింది. ఆ తరువాత ఈ మధ్య ఆ హీరో నటించిన మరో సినిమా కూడా ఓ టి టి లోనే విడుదల అయ్యింది. ఇప్పుడు ఏకంగా మరో రెండు సినిమాలు చేస్తున్నాడు. అందులో ఓ సినిమా షూటింగ్ కూడా చాలా వరకు పూర్తయ్యింది కూడా. మళ్ళీ హైదరాబాద్ లో ఒక షెడ్యూల్ స్టార్ట్ అవ్వాల్సి ఉండగా.. ఆ హీరో ఏవో వ్యక్తిగత కారణాలు చెప్పి షూటింగ్ కి రాలేను అన్నాడు. సదరు నిర్మాత కూడా సరే అని షూటింగ్ వాయిదా వేశారు.
కానీ ఆ కుర్ర హీరో ఏమి చేసాడంటే.. ఏవో కారణాలు చెప్పి వెళ్లి మరొక సినిమా షూటింగ్ పూర్తి చేసేసాడు. ఇది తెలిసిన సదరు నిర్మాత కూడా ఆ యంగ్ హీరో కి వార్నింగ్ లా ఇచ్చారట. కౌన్సిల్ లో కంప్లైంట్ చేస్తా ఇంకోసారి ఇలా చేస్తే అని. ఆ నిర్మాతకి అంతగా కోపం రావటానికి కారణం, ఆ హీరో తప్పుడు కారణాలు చూపించి వేరే సినిమా షూటింగ్ చెయ్యటం వలనేనట. మరి ఆ నిర్మాతకి సరైన కారణం చెప్పి చేస్తే, అంత కోపం రాదు. దానికి తోడు ఇప్పుడిప్పుడే పైకి వస్తున్న యాక్టర్ కూడా అలా చెయ్యటం ఆ నిర్మాతకి కొంచెం బాధ అనిపించింది. అందుకే వార్నింగ్ ఇచ్చిఅంట్లుగా ఫిలిం నగర్ లో గుసగుసలు వినబడుతున్నాయి.