బిగ్ బాస్ సీజన్ 5 ముగిసి కేవలం నెలరోజులైంది. అప్పుడే సీజన్ 6 కి ఏర్పాట్లు ముమ్మరంగా మొదలైపోయాయి. ఈసారి బిగ్ బాస్ 24 గంటలు ప్లాన్ చేసారు. హాట్ స్టార్ ఓటిటిలో బిగ్ బాస్ సీజన్ 6 24 గంటలు ప్రేక్షకులకి అందుబాటులో ఉండబోతుంది. నాగార్జున హోస్ట్ గానే సీజన్ 6 స్టార్ట్ అవ్వబోతుంది. అయితే ఈసారి 15 మందితో మొదలు కాబోతున్న బిగ్ బాస్ లోకి పాత కంటెస్టెంట్స్ ఓ నలుగురైదుగురు రావొచ్చని ఊహాగానాలు ఉన్నాయి. మొత్తం 82 రోజుల పాటు ఈ సీజన్ సిక్స్ లోకి ఎంటర్ అవ్వబోయే కంటెస్టెంట్స్ లిస్ట్ అప్పుడే ఫైనల్ కూడా అయ్యింది అని, కంటెస్టెంట్స్ నుండి అగ్రిమెంట్స్ కూడా స్టార్ మా రాయించుకుంటున్నట్లుగా తెలుస్తుంది.
అయితే ఫిబ్రవరి 20 నుండి మొదలు కావాల్సిన బిగ్ బాస్ సీజన్ 6 ఇప్పుడు వాయిదా పడింది అంటున్నారు. ఓటీటీ లో మొదలు కాబోయే మొదటి సీజన్ ఫిబ్రవరి 20వ తేదీన ప్రారంభం కావడం లేదట. ఓ ఆరు రోజుల తర్వాత అంటే ఫిబ్రవరి 26 నుంచి అంగరంగ వైభవంగా హాట్ స్టార్ లో మొదలు పెట్టబోతున్నారని తెలుస్తుంది. ఈసారి ఆదివారం నుండి కాకుండా శనివారమే బిగ్ బాస్ సీజన్ 6 మొదలు కాబోతుంది. అయితే ఓ వారం వాయిదా పడడానికి కారణం మాత్రం సెట్ వర్క్‌తో పాటు కొన్ని టెక్నికల్ పనులు పూర్తి కాకపోవడమేనని తెలుస్తోంది