యంగ్ టాలెంటెడ్ హీరో నిఖిల్ సిద్ధార్థ్, గార్జీయ‌స్ బ్యూటీ అనుప‌మ ప‌ర‌మేశ్వ‌ర‌న్ జంట‌గా, స్టార్ డైరెక్ట‌ర్ సుకుమార్ రాసిన క‌థ‌తో టాలెంటెడ్ డైరెక్ట‌ర్ ప‌ల్నాటి సూర్య ప్ర‌తాప్ ద‌ర్శ‌కత్వంలో సిద్ధం అవుతున్న మూవీ 18 పేజీస్. జీఏ2పిక్చ‌ర్స్ - సుకుమార్ రైటింగ్స్ సంయుక్తంగా 18 పేజీస్ చిత్రాన్ని నిర్మిస్తున్నాయి. స‌క్సెస్ ఫుల్ ప్రొడ్యూస‌ర్ గా అంద‌రి మ‌న్న‌నులు అందుకుంటున్న బ‌న్నీ వాసు ఈ చిత్రానికి నిర్మిత‌గా వ్య‌వ‌హ‌రిస్తున్నారు. ఇప్ప‌టికే విడుద‌లైన 18 పేజీస్ ఫ‌స్ట్ లుక్ పోస్ట‌ర్లకు అన్ని వ‌ర్గాల ప్రేక్షకుల నుంచి అద్భుత‌మైన ఆద‌ర‌ణ ల‌భించింది. ఈ నేప‌థ్యంలో 18 పేజీస్ విడుద‌ల తేదిని నిర్మాత బ‌న్నీ వాసు ప్ర‌క‌టించారు.
ప్ర‌పంచ‌వ్యాప్తంగా భారీ రేంజ్ లో ఫిబ్ర‌వ‌రి 18, 2022న ఈ చిత్రాన్ని విడుద‌ల చేయ‌డానికి స‌న్నాహాలు చేస్తున్న‌ట్లుగా బ‌న్నీవాసు తెలిపారు. స్టార్ మ్యూజిక్ డైరెక్ట‌ర్ గోపీ సుంద‌ర్ ఈ చిత్రానికి సంగీతం అందిస్తున్నారు. కుమారి 21 ఎఫ్ తో యూత్ ఫుల్ డైరెక్ట‌ర్ గుర్తింపు తెచ్చుకున్న ప‌ల్నాటి సూర్య‌ప్ర‌తాప్ 18 పేజీస్ ని కూడా వినూత్నంగా తెర‌కెక్కిస్తున్నారు.