పవర్ స్టార్ పవన్ కళ్యాణ్ - క్రిష్ కాంబోలో పిరియాడికల్ మూవీ తెరకెక్కుతుంది. హరి హర వీరమల్లు గా తెరకెక్కుతున్న ఈ సినిమాలో పవన్ కళ్యాణ్ ఓ దొంగలా కనిపిస్తాడని టాక్ ఉంది. పవర్ ఫుల్ లుక్ లో 3 షేడ్స్ లో పవన్ కళ్యాణ్ 33 గెటప్స్ మారుస్తాడని కాస్ట్యూమ్ డిజైనర్ చెప్పడంతో ఈ సినిమాపై మరింత హైప్ క్రియేట్ అయ్యింది. ఇక ఇప్పుడు హీరోయిన్స్ గా నటించబోతున్న నిధి అగర్వాల్ పై ఓ న్యూస్ సోషల్ మీడియాలో చక్కర్లు కొడుతోంది. అది ఈ గ్లామర్ హీరోయిన్ నిధి అగర్వాల్ ఈ సినిమాలో కొత్తగా కాదు సరికొత్త పాత్రలో కనిపించబోతుంది.
నిధి చాలా స్ట్రాంగ్ పాత్రలో హరి హర వీరమల్లులో నటిస్తుందట. అంతే కాకుండా ఇందులో నిధి అగర్వాల్ పూర్తిగా నెగటివ్ షేడ్స్ ఉన్న పాత్రలో కనిపించనుందట. మరి ఎప్పుడూ గ్లామర్ పాత్రలతోనే అధరగొట్టేసే ఈ బ్యూటీ నిధి నెగటివ్ షేడ్స్ తో ఎలా మెప్పిస్తుందో చూడాలి. ఇక బాలీవుడ్ హీరోయిన్ జాక్వెలిన్ యువరాణిగా మెరవబోతుందట. విలన్ గా అర్జున్ రామ్ పాల్ నటిస్తున్న ఈ సినిమా కొత్త షెడ్యూల్ జులై రెండో వారం నుండి మొదలు కాబోతుంది అని తెలుస్తుంది. సెకండ్ వేవ్ వలన వాయిదా పడిన షూటింగ్.. జులై సెకండ్ వీక్ నుండి పట్టాలెక్కబోతున్నట్టుగా టాక్.