ఆమ్మో బాపుగారి బొమ్మో అంటూ అత్తారింటికి దారేది సినిమాలో సాక్షాత్హూ పవర్ స్టార్ చేతనే పాడించుకున్నా ప్రణీతకు మాత్రం అది తెలుగునాట అవకాశాల పంట పండించలేకపోయింది. అలాగే ఈ అమ్మడు అటు కన్నడలోను సరైన సక్సెస్ లకు దూరమైపోయి చాలా కాలమైంది. అయితే విశేషం ఏంటంటే.. ఇక ఫేడ్ అవుటే అనుకున్న టైమ్ లో ఫేట్ మారి రూట్ మారి ఏకంగా బాలీవుడ్ బాట పట్టిందీ భామ.
1971 ఇండో - పాకిస్తాన్ వార్ నేపథ్యంతో ఇండియన్ ఎయిర్ ఫోర్స్ ఆఫీసర్ విజయ్ కర్ణిక్ బయోగ్రఫీగా తెరకెక్కుతోన్న భారీ బాలీవుడ్ చిత్రం భుజ్ లో ఓ ఇంపార్టెంట్ రోల్ చేసే ఛాన్స్ దక్కింది ప్రణీతకి. అజయ్ దేవగన్, సంజయ్ దత్, సోనాక్షి సిన్హా వంటి స్టార్స్ తో కలిసి నటించిన భుజ్ మూవీపై ప్రణీత ఎన్నో ఆశలు పెట్టుకున్నప్పటికీ కాలం కలిసి రానంది.. కరోనా వచ్చి ఆ సినిమా రిలీజ్ కాకుండా కాలు అడ్డం పెట్టింది.
కానీ మన బాపుగారి బొమ్మకి మరో రూపంలో అదృష్టం హాయ్ చెప్పిందండోయ్. అదే హంగామా 2 . ఎప్పుడో 2003 లో హంగామా అనే సినిమా తీసి హిలేరియస్ హిట్ కొట్టిన మలయాళ దర్శకుడు ప్రియదర్శన్ ఇన్నేళ్ల తర్వాత సీక్వెల్ కి సిద్దమయ్యాడు. మళ్ళీ మరోసారి కామెడీనే నమ్ముకుని ప్రియదర్శన్ చేస్తోన్న ఈ హంగామా 2 పైన మంచి అంచనాలే ఉన్నాయి. ఇక ప్రణీత సంగతి అయితే చెప్పక్కర్లేదు. పాప హోప్స్ అన్నీ ఈ రెండు సినిమాలపైనే అని..!