పవన్ కళ్యాణ్ తాజాగా అయ్యప్పన్ కోషియమ్ సినిమా లాంచ్ చేసాడు. రానా దగ్గుబాటి తో కలిసి సాగర్ చంద్ర దర్శకత్వంలో మలయాళ అయ్యప్పమ్ కోషియమ్ సినిమాని రీమేక్ చెయ్యబోతున్నాడు పవన్. తాజాగా ఆ సినిమా లాంచ్ ఫొటోస్ సోషల్ మీడియాలో వైరల్ అయ్యాయి. కానీ పవన్ కళ్యాణ్ లేటెస్ట్ మూవీ వకీల్ సాబ్ లీకులపై పవన్ అసంతృప్తిగా ఉన్నట్లుగా ఫిలింసర్కిల్స్ చక్కర్లు కొడుతున్న న్యూస్. పవన్ కళ్యాణ్ - వేణు శ్రీరామ్ కాంబోలో జనవరిలోనే మొదలయిన వకీల్ సాబ్ సినిమా ప్రస్తుతం ఫ్లాష్ బ్యాక్ ఎపిసోడ్ చిత్రీకరణలో ఉంది. అయితే వకీల్ సాబ్ మొదలైనప్పటినుండి ఆ సినిమా లుక్స్ సోషల్ మీడియాలో లీకవుతూనే ఉన్నాయి. పవన్ వకీల్ సాబ్ ఫస్ట్ లుక్ వదలకుండానే వకీల్ సాబ్ గా పవన్ లుక్ సోషల్ మీడియాలో లీకైంది.
అప్పట్లోనే పవన్ ఈ విషయంలో వకీల్ సాబ్ టీం పై గుర్రుగా ఉన్నాడన్నారు. తాజాగా పవన్ కళ్యాణ్ వకీల్ సాబ్ ఫ్లాష్ బ్యాక్ ఎపిసోడ్ చిత్రీకరణ జరుగుతునం సెట్స్ నుండి మరో పిక్ లీకైంది. ఆ ఫ్లాష్ బ్యాక్ ఎపిసోడ్ లో పవన్ తన భార్య శృతి హాసన్ తో ఉన్న రొమాంటిక్ లుక్ ఇప్పుడు సాంఘీక మాధ్యమాల్లో వైరల్ అయ్యింది. ఆ పిక్ లీక్ పై పవన్ కళ్యాణ్ ఆగ్రహంగా ఉన్నాడని.. మీకెంత చెప్పినా అర్ధం కాదా.. ఇలా లుక్స్ లీకైపోతే సినిమాపై ఇంక క్రేజ్ ఏముంటుంది అంటూ చిత్ర బృందంపై పవన్ చిందులు తొక్కినట్టుగా సమాచారం. ప్రస్తుతం పవన్ కళ్యాణ్ - శృతి హాసన్ కలిసి ఉన్న వకీల్ సాబ్ లీక్డ్ పిక్ సోషల్ మీడియాలో తెగ వైరల్ అయ్యింది.