ఎన్నో భారీ చిత్రాలకు ఎక్సట్రార్డినరీ ఫోటోగ్రఫీ అందించి.. విజువల్స్ విషయంలో ఎక్సపెర్ట్ అనిపించుకున్న ప్రముఖ సినిమాటోగ్రాఫర్ కేవి గుహన్ 118 అనే సినిమాతో దర్శకుడిగా మారి నందమూరి కళ్యాణ్ రామ్ కి సూపర్ సక్సెస్ అందించారు. ఆ సినిమాతో ఎన్నో ప్రశంశలు దక్కిన దర్శకుడిగా గ్యాప్ తీసుకున్న గుహన్ మళ్ళీ మరో సైక్లాజికల్ థ్రిల్లర్ తో త్వరలో ఆడియన్స్ ని పలకరించబోతున్నారు. 'డ‌బ్లూడ‌బ్లూడ‌బ్లూ'(హూ,వేర్‌,వై) టైటిల్ తో అథిత్ అరుణ్‌ - శివాని రాజ‌శేఖ‌ర్ హీరోహీరోయిన్లుగా నటిస్తున్నారు. ఈ సినిమాని రామంత్ర క్రియేష‌న్స్ ప‌తాకంపై డా. ర‌వి పి. రాజు ద‌ట్ల నిర్మిస్తున్నారు.
డ‌బ్లూడ‌బ్లూడ‌బ్లూ సినిమా షూటింగ్ కూడా పూర్తి చేసుకుని పోస్ట్ ప్రొడక్షన్ కార్యక్రమాలతో బిజీగా ఉంది. 118 తో సక్సెస్ అయిన గుహన్.. ఈ డిఫరెంట్ థ్రిల్లర్ డ‌బ్లూడ‌బ్లూడ‌బ్లూ తో ఖచ్చితంగా హిట్ కొట్టేలాగే కనిపిస్తున్నాడు. డ‌బ్లూడ‌బ్లూడ‌బ్లూ సినిమాకి సిమ‌న్ కె. కింగ్ సంగీత సార‌థ్యం వ‌హిస్తుండ‌గా మిర్చికిర‌ణ్ ప‌వ‌ర్‌ఫుల్ డైలాగ్స్ అందిస్తున్నారు.