మంచు విష్ణు కెరీర్లో గుర్తుండిపోయే నిలిచిపోతుందని చెప్పబడుతున్న మోసగాళ్ళు చిత్రం నుండి మోషన్ పోస్టర్ రిలీజైంది. కాజల్ అగర్వాల్ ప్రధాన పాత్రలో కనిపించనున్న ఈ సినిమాలో బాలీవుడ్ నటుడు సునీల్ శెట్టి ఒకానొక ముఖ్య పాత్రలో కనిపిస్తున్నాడు. ఇప్పటికే చిత్రం నుండి సునీల్ శెట్టి లుక్ తో పాటు కాజల్ లుక్ కూడా రివీలైంది. తాజాగా ఈ సినిమా నుండి వచ్చిన మోషన్ పోస్టర్ ఆసక్తి రేపుతుంది.
డాలర్ నోటు మీద మోసగాళ్ళు అనే టైటిల్ పడుతూ బ్యాగ్రౌండ్ లో అద్భుతమైన సంగీతంతో, చూస్తుంటే థ్రిల్లర్ సినిమాలా అనిపిస్తుంది. ప్రపంచంలో అతిపెద్ద ఐటీ స్కామ్ ఆధారంగా తెరకెక్కిన ఈ చిత్రం మంచి థ్రిల్లర్ గా వస్తుందని అర్థమవుతుంది. మంచు విష్ణు, కాజల్ అగర్వాల్ అన్నాచెల్లెళ్ళు గా కనిపిస్తున్న ఈ సినిమా తెలుగు, ఇంగ్లీష్ భాషల్లో తెరకెక్కుతోంది. ముందుగా తెలుగు వెర్షన్ పూర్తయ్యాక ఇంగ్లీషులో విడుదల చేసేందుకు ప్లాన్ చేస్తున్నారు. జెఫ్రీ గిన్ చీ దర్శకత్వం వహిస్తున్న ఈ సినిమాకి మంచు విష్ణు నిర్మాతగా వ్యవహరిస్తున్నాడు.