సుశాంత్ సింగ్ బలవన్మరణం తర్వాత బాలీవుడ్ పెద్దలపై తీవ్రస్థాయిలో సోషల్ మీడియాలో విమర్శలు వెల్లువెత్తుతున్నాయి. వారసత్వాన్ని ప్రోత్సహిస్తూ ఎలాంటి సినిమా నేపథ్యం లేకుండా వచ్చిన వారికి అవకాశాలు లేకుండా చేస్తున్నారంటూ సోషల్ మీడియాలో పెద్ద చర్చ జరుగుతుంది. ఈ చర్చలకి మరింత ఊతమిస్తూ చాలా మంది బాలీవుడ్ సెలెబ్రిటీలు సైతం గొంతు పలకడంతో మరింత వివాదాస్పదంగా మారింది.
అయితే నెపోటిజం పై విమర్శలు స్టార్ కిడ్స్ పై చాలా ప్రభావాన్ని చూపుతున్నాయి. తాజాగా విడుదలైన సడక్ 2 ట్రైలర్ ఇందుకు ప్రత్యక్ష సాక్ష్యంగా నిలిచింది. ఆలియా భట్ హీరోయిన్ గా చేసిన ఈ చిత్ర ట్రైలర్ రిలీజైంది. ఈ ట్రైలర్ కి యూట్యూబ్ లో రికార్డు లెవెల్లో డిస్ లైక్స్ పడ్డాయి. యూట్యూబ్ హిస్టరీలోనే ఎప్పుడూ రానన్ని డిస్ లైక్స్ తో రికార్డులకెక్కింది. 8 మిలియన్ల మంది ఈ వీడియోని డిస్ లైక్ చేసారు.
అన్ని డిస్ లైక్స్ రావడం వెనక కారణం కేవలం అందులో స్టార్ కిడ్ అయిన ఆలియా భట్ నటించడమే. సినిమా ట్రైలర్ బాగున్నప్పటికీ ఈ రేంజ్ లో డిస్ లైక్స్ రావడం చూస్తుంటే నెపోటిజం పై విమర్శలు ఇప్పట్లో తగ్గేలా లేవు. సడక్ 2 డిస్నీ హాట్ స్టార్ లో ఆగస్టు 28వ తేదీ నుండి స్ట్రీమింగ్ అవనుంది.