ఇటీవల ఓటీటీలో విడుదలయిన తెలుగు సినిమాల్లో ప్రేక్షకుల నుండి పాజిటివ్ రెస్పాన్స్ దక్కించుకున్న చిత్రాల్లో క్రిష్ణ అండ్ హిస్ లీల కూడా ఒకటి. సిద్ధు జొన్నలగడ్డ హీరోగా నటించిన ఈ సినిమాని రవికాంత్ పేరెపు దర్శకత్వం వహించారు. క్షణం వంటి సస్పెన్స్ థ్రిల్లర్ ని తెరకెక్కించిన రవికాంత్ పేరెపు దర్శకత్వం వహించిన ఈ రొమాంటిక్ కామెడీ చిత్రం హిట్ గా నిలిచిందని చెప్పవచ్చు.
ఇద్దరు అమ్మాయిలని ఒకేసారి ఒకే విధంగా ఒకే ఎమోషన్ తో ప్రేమించే అబ్బాయి మదిలో కలిగే కన్ఫ్యూజన్ ని చాలా చక్కగా చూపించిన చిత్రమిది. ఈ సినిమాతో హీరోగా సిద్ధు జొన్నలగడ్డకి మంచి పేరొచ్చింది. అయితే ఈ సినిమాకి సిద్దు కేవలం హీరో మాత్రమే కాదు. రచయిత కూడా.. కథ, స్క్రీన్ ప్లే, సంభాషణల్లో సిద్ధు పాత్ర చాలా ఉందట. ఈ మేరకు టైటిల్ కార్డ్ కూడా వేసారు. అయితే సిద్ధు తన తర్వాతి చిత్రానికి కూడా కథ అందిస్తున్నాడట.
నరుడి బ్రతుకు నటన అనే టైటిల్ తో సిద్ధు రాసిన కథని సితార ఎంటర్ టైన్ మెంట్స్ నిర్మించనుందట. ఈ సినిమాలో సిద్దు హీరోగా నటించనున్నాడు. నూతన దర్శకుడికి ఈ సినిమా బాధ్యతలు అప్పగించాలని చూస్తున్నారట. మొత్తానికి హీరో సిద్ధు కోసం కథలు రాయాల్సిన అవసరమే లేదన్నమాట..!