తెలుగు టెలివిజన్లో తిరుగులేని కామెడీ షోగా పేరు తెచ్చుకుని విజయవంతంగా దూసుకువెళ్తున్న జబర్దస్త్ షో గురించి ప్రత్యేకంగా పరిచయం చేయాల్సిన అవసరం లేదు. సక్సెస్ ఫుల్ గా రన్ అవుతున్న ఈ షోపై అప్పుడప్పుడు వివాదాలు కూడా వస్తుంటాయి. గత ఏడు సంవత్సరాలుగా ఒక్కసారి కూడా గ్యాప్ లేకుండా నవ్విస్తున్న ఈ ప్రోగ్రామ్, లాక్డౌన్ కారణంగా మూడు నెలలు గ్యాప్ తీసుకోవాల్సి వచ్చింది.
అయితే తెలంగాణ ప్రభుత్వం షూటింగులకి అనుమతులు ఇచ్చిన నేపథ్యంలో సరికొత్త కంటెంట్ తో ప్రేక్షకుల ముందుకి వచ్చింది. అయితే ఈ వారం టెలిక్యాస్ట్ అయిన ప్రోగ్రామ్ లో జరిగిన ఒక సంఘటన జడ్జ్ రోజాకి కోపం తెప్పించిందట. కామెడీ స్కిట్ లో భాగంగా కమెడియన్ ముక్కు అవినాష్, లాక్డౌన్ టైమ్ లో మద్యం ధరలు బాగా పెరిగాయని, ఒక్క బాటిల్ 9 వేలకి కొనుక్కున్నానని పంచ్ వేసాడు.
దాంతో వెంటనే జడ్జి రోజా అందుకుని, ఎవడు కొనమన్నాడంటూ రివర్స్ లో కౌంటర్ ఇచ్చింది. అప్పటికి ఆ సమస్య పూర్తి కాలేదట. షో పూర్తయ్యాక రోజా అవినాష్ కి వార్నింగ్ ఇచ్చిందని అంటున్నారు. ప్రభుత్వ విధానాలపై పంచులు వేసే ముందు ఒకసారి ఆలోచించుకోమని చెప్పిందట. లాక్డౌన్ తర్వాత ఏపీలో మద్యం ధరలు పెరిగాయన్న సంగతి తెలిసిందే.