రానా దగ్గుబాటి సమర్పణలో సురేష్ ప్రొడక్షన్స్, వయాకామ్ 18 స్టూడియోస్ సంయుక్తంగా నిర్మించిన క్రిష్ణ అండ్ హిస్ లీల చిత్రం నుండి చిన్నపాటి టీజర్ ని రిలీజ్ చేసారు. గుంటూర్ టాకీస్ సినిమాలో హీరోగా చేసిన సిద్ధు జొన్నలగడ్డ హీరోగా నటిస్తున్న ఈ సినిమా మరికొద్ది రోజుల్లో ప్రేక్షకుల ముందుకు రాబోతుంది. అడవి శేష్ హీరోగా నటించిన సస్పెన్స్ థ్రిల్లర్ ని తెరకెక్కించిన రవికాంత్ పేరెపు దర్శకత్వంలో తెరకుక్కిన ఈ చిత్రం ఓటీటీ వేదిక ద్వారా విడుదల అవనుంది.
ఈ నేపథ్యంలో ప్రమోషన్ పనుల్లో భాగంగా ఈ సినిమా నుండి గ్లింప్స్ వీడియోని రిలీజ్ చేసారు. ఈ వీడియోలో క్రిష్ణ తన ఫస్ట్ లవ్ సత్యని పరిచయం చేసాడు. సత్యగా జెర్సీ హీరోయిన్ శ్రద్ధా శ్రీనాథ్ నటిస్తుంది. నిమిషం పాటు ఉన్న ఈ వీడియో చాలా రొమాంటిక్ గా ఉండడమే కాదు ఎంటర్ టైనింగ్ గానూ ఉంది. శ్రద్ధా శ్రీనాథ్ చాలా గ్లామరస్ గా కనిపించింది. అయితే ఈ సినిమాలో శ్రద్ధాతో పాటు మరో ఇద్దరు హీరోయిన్లు కూడా ఉన్నారు.
మొదటి లవ్ గా సత్య కాగా మిగిలిన ఇద్దరు కూడా పరిచయం కావాల్సి ఉంది. అయితే ఈ సినిమా ఓటీటీలో రిలీజ్ అవుతుందని కన్ఫర్మ్ అయినప్పటికీ ఏ స్ట్రీమింగ్ సైట్ ద్వారా రిలీజ్ అవుతుందనేది వెల్లడి చేయలేదు. క్షణం సినిమాతో సస్పెన్స్ ని బాగా హ్యాండిల్ చేసిన రవికాంత్ క్రిష్ణ అండ్ హిస్ లీల సినిమాతో రొమాంటిక్ చిత్రాలని కూడా బాగా డీల్ చేయగలడని నిరూపించుకుంటాడేమో చూడాలి.