గత కొన్ని రోజులుగా విజయాలు లేక అల్లల్లాడుతున్న హీరో నితిన్ కి భీష్మ రూపంలో సాలిడ్ హిట్ పడింది. వెంకీ కుడుముల దర్శకత్వంలో వచ్చిన ఈ సినిమా బాక్సాఫీసు వద్ద తన సత్తా చాటింది. అయితే ఈ సినిమా అనంతరం నితిన్ రంగ్ దే సినిమాని చేస్తున్నాడు. మహానటి ద్వారా దేశవ్యాప్తంగా పేరు తెచ్చుకున్న కీర్తి సురేష్ ఈ సినిమాలో హీరోయిన్ గా కనిపిస్తుంది. అయితే ఈ సినిమాతో పాటు నితిన్ చేతిలో మరో సినిమా కూడా ఉంది.
బాలీవుడ్ లో సంచలన విజయం సాధించిన అంధాధున్ చిత్ర రీమేక్ హక్కులని కొనుక్కున్న నితిన్, మేర్లపాక గాంధీ దర్శకత్వంలో ఈ సినిమాని పట్టాలెక్కించనున్నాడు. ప్రియాంకా మోహన్ ఈ సినిమాలో హీరోయిన్ గా నటించనుంది. ఆయుష్మాన్ ఖురానా హీరోగా నటించిన అంధాధున్ సినిమాలో సీనియర్ హీరోయిన్ టబు కీలక పాత్రలో మెరిసింది. సినిమా మొత్తం ఆ పాత్ర ఆధారంగానే మలుపు తిరుగుతుంది. అదీ గాక కొద్దిగా బోల్డ్ గా కూడా ఉంటుంది.
అంతటి ఇంపార్టెన్స్ ఉన్న ఆ పాత్రని తెలుగులో ఎవరు చేస్తారనేది సస్పెన్స్ గా మారింది. మొదటగా టబు, యాంకర్ అనసూయ, రమ్యక్రిష్ణల పేర్లు వినిపించినప్పటికీ, వారెవరూ ఫైనలైజ్ అవలేదు. తాజాగా ఈ పాత్ర పోషించదానికి బాలీవుడ్ ఎవర్ గ్రీన్ హాట్ బ్యూటీ శిల్పాశెట్టిని అడిగారని సమాచారం. శిల్పా కూడా పాజిటివ్ గానే స్పందించారని అంటున్నారు. ఇదే గనక నిజమైతే సినిమాకి మరింత మైలేజి వచ్చినట్టే.